December 2006
01 02 03 04 05 06 07 08 09 10 11 12 13 14 15 16 17 18 19 20 21 22 23 24 25 26 27 28 29 30 31
[留言板]

			是日心情
Dec 30, 2006(Sat) 2006年差不多完結喇，總括黎講今年都係開心既一年，無風無浪，平平淡淡甘啦!不過估唔到既竟然臨尾呢兩日會晤開心。啊~~~我都唔知啊~_~希望我既唔開心會同2006年一起完結，係2007年來臨之前可以開心返! 祝大家新年進步(媽咪話同有買股票的人一定要講進步，唔可以講happy的中文架，所以有理無 理都講進步喇) Happy New Year~! ***** ***** ***** ***** ***** ***** ***** ****** 【fasheng le shenme shi?】 jintian hen bu kaixin, yinwei ta dui wo hen lengmo. wo ye bu zhidao fasheng le shenme shi. wo zhidao ta yiding shi shengqi le, keshi wo bu zhidao wei le shenme yuanyin. wo juede hen momingqimiao. you shei keyi bang wo ne? wo gandao hen wunai! zui shao ye yinggai rang wo zhidao fasheng shenme shi, wo bu xihuan ta zheyang dui wo. xinqing hen fuza. wo hen taoyan ta meici dou shi zheyang! keyi gaosu wo ni weishenme shengqi ma? xin de yi nian, wo hui kaixin ma?

			12月27日的雜記
Dec 27, 2006(Wed) Internet 原來香港因為早前的台灣地震影響了互聯網，怪不得我去唔到香港的網頁例如:香港yahoo，東方日報和網友仔的網頁和blog啦!(xanga和我的網頁就無問題:P)仲以為我學校的internet又有問題添!好彩Hubby打電話通知我詐，如果唔係我要更遲先知道。現在唯有留意CNN的新聞啦。(我去唔到看香港新聞阿!)我有點與世隔絕的感覺。(其實應該係亞洲與世隔絕才對:P) 旅行的手信 今日Hubby和家人旅行的活動是Shopping。Hubby妹妹到化妝品專櫃買化妝品時，Hubby見到妹妹選了一set lip gloss，覺得好靚(一set有8種顏色)，所以亦買了一set給我。哈，Hubby真係去道邊都掛住我架。呵呵!他自己咩都無買，但就買野俾我，好開心呢!(我開心不是因為有禮物，而係他買禮物給我代表有想起我，有掛住我啦!)雖然Hubby平時比較忙比較悶，但我知道他真的很喜歡我，我對他亦非常非常重要。相信以後很難可以再遇上一位對我更好的人了!(有Hubby就夠晒啦:D) 聖誕禮物 今日問到Hubby買俾我的聖誕禮物(衣服)係咩size。他居然買了extra small (甘睇得起我?) 。我通常都買small或者medium的，因為我唔喜歡著得太貼身，唔想太特出身材嘛。(我身材唔係話好，但係人著貼身衫身材都會很特出啦) 我擔心著唔落囉，就算著得落都會貼身。真令人擔心呢!看來要減定肥喇~_~

			Bad News
Dec 26, 2006(Tue) 完本以為今日的Boxing Day可以收到Hubby的禮物，但昨日check過學校的網頁後，知道學校25-29號將會休息，唔會開門，所以禮物要等到30號先可以收到。今日我再看一看月曆，原來30號是星期六，即是學校的Housing依然係唔開，所以最快最快都要等到1月2號。真係聖誕禮物等到變遲來的新年禮物。看來要直接check下housing究竟幾時開門，話唔定學校office開門但housing唔開。住學校真係唔方便，要等學校分信，攪到我遲遲未收到禮物。:(我好心急想知道究竟Hubby送左咩比我架嘛! 因為實在遲遲未收到禮物，所以Hubby終於肯告訴我知禮物究竟係乜。原來係白色可以著的衣物，不過就未肯透露係咩既衣物，他依然想保留一點點的神秘感。他仲話覺得好靚添(他買當然覺得靚啦，希望我都覺得靚啦。嘿嘿)我都算乖架喇，收唔到禮物都無嬲Hubby。哈 另外的Bad News係今個學期，我和Hubby成績都係普通。我就無咩所謂，合格我已經ok。雖然Hubby有2A和2B，但因為呢個學期GPA未有3.8而失望。Hubby旅行後會返學校check下個class average，因為Hubby係班上的成績通常都是頭三名。如果他拿B，相信班上的成績會是慘不忍道。好彩overall，他的成績在3.8之上詐!我2007年的願望會係祝Hubby學業進步，身體健康。只要快點畢業，我們的將來又進一步喇!

			聖誕熊和聖誕鹿
Dec 25, 2006(Mon) 聖誕熊熊和聖誕鹿鹿 收到朋友仔送我的聖誕熊和聖誕鹿。我為他們取名為紅紅(熊熊)綠綠(鹿鹿)。聽朋友仔說，這是從聖誕老人村買的手信。我比較喜歡綠綠，因為聖誕鹿比較有代表性嘛，而且我好喜歡它的角。嘿嘿!好開心~!多謝晒

			有交帶的Hubby
Dec 24, 2006(Sun) 今日Hubby一早就飛了去和父母妹妹去一起去旅行過節，但他無因為唔係我身邊而記得我，反而好乖好掛住我。今日一早出門口準備去機場，他打電話給我。達到目的地時又再打電話給我，25號的零時零分，Hubby又上MSN跟我說Merry Christmas。真的甜在心裡。(本應他都係想打電話給我，但我居然無開電話@_@，我的習慣係從不關機，但今日同媽咪煲電話煲晒d電自動關機@@) Hubby有帶埋我送的mp3去旅行阿，我吩咐他要一日聽三次，每次十分鐘。他mp3機裡面的歌全部都是我唱的!哈，聽到我的聲音就當係治療他掛住我(相思病)的藥啦:P呵呵呵 我不是一個痴身的女友，但一定要男友有交帶。今日Hubby做足100分!真乖真抵錫!

			給Hubby的聖誕禮物
Dec 23, 2006(Sat) 雖然今日只係23號的晚上，但我已經准許Hubby拆聖誕禮物。聽日Hubby會飛去旅行喇，為免他帶著未拆的禮物四處去，所以就特別準他提早拆禮物。 Hubby話我份禮物pack得靚，欣賞左好耐先捨得拆架。 選用了紅色花紙和綠色絲帶球包禮物，希望更有聖誕氣氛。 Hubby好喜歡我今次為他挑選的禮物啊。我送的是一部MP3機。其實我知道Hubby和我一樣都唔聽MP3的，但我送呢部MP3有USB drive的功能，可以直接插入電腦，所以覺得會幾方便他帶返學用黎Save資料。而且我用MP3錄了一段對Hubby說的情深說話+之前錄音的歌曲，等Hubby可以成日聽到我的聲音。Hubby拆禮物和聽禮物的整個過程都笑聲不絕(不斷嘻嘻嘻甘笑)，我絕對感受到他的喜悅。他喜歡就好喇^^至於Hubby送我的禮物就要等到我收到禮物的時候才和Hubby一起拆喇。預計最快都要boxing day才會收到呢! 聽日Hubby起程去旅行會帶埋lap top去啊，都係為左可以陪我囉，真係辛苦晒:P。Have a safe trip~!

			冬至
Dec 22, 2006(Fri) 正所謂冬大過年，所以今晚都想煮返餐正常既晚飯。基本上我都係今日先知道今日係冬至，所以無乜準備。唯有雪櫃有乜就煮乜。我個雪櫃都有幾多野食架。我每次去supermarket都買好多好多野:D 今日呢餐飯唔計煲湯，用了少於45分鐘便完成^^。 好輕鬆就有得食~! 今日雪櫃有... 有番茄，紅蘿蔔，和豬肉，所以就用黎煲湯 有莤芹和罐頭鮑貝，所以就煮左鮑貝扒莤芹 有紅椒，青椒，洋蔥和牛仔骨，所以就煮了醬爆黑椒牛仔骨 最後話明做節，當然要有雞，所以就整了冬菇炆雞。 食完呢餐，打後兩三餐都係做節，因為要食返呢d隔夜餸。(食過呢餐飯，終於證實我可以食返牛肉唔敏感喇!)

			樓計
Dec 21, 2006(Thu) 今日Hubby終於考完考試，我亦隨之而唔開心。他考完試代表他要飛去join他父母一齊去旅行(星期日就飛喇，趕得切同父母過聖誕)，話就話會陪我，打電話比我，但始終都不及日日可以web cam嘛。呢兩日都有點低落聖誕唔可以一齊過。我不斷向他投訴他騙我。總而言之日哦夜哦他拉，擺明要他氹^^"。平日他要返學，我盡可能都唔影響他。他快d畢業我地先可以早日真正一齊嘛，所以放假要保返數! 另一樣唔開心既就係Hubby送我的禮物趕不及聖誕收到。明天係星期六，就算會派信，因為housing唔開，我都唔可能收到禮物。理論上，boxing day先係拆禮物的日子，希望趕到星期一的boxing day啦。Hubby係12月11日寄出禮物，但到今日都收唔到。一來可能係因為聖誕郵局太忙所以遲左，另一個就係我學校分信效率低 ，真係激係死人，不過我係唔會因為以上兩個原因而唔嬲Hubby。我要他知道，我聖誕收唔到禮物係會唔開心的! Hubby稱我以上所有既行為為樓計。係啊!係樓計啊，再獨立的女仔都要人氹架。(好彩Hubby都幾乖，不斷氹我!)

			雜記
Dec 20, 2006(Wed) 最近發現視力和聽覺都變差。看東西唔清楚都好一段時間，但如果我上堂既時候坐最前排就無問題。至於聽覺，唔知道係我電話問題，對方說話細聲，收得唔清楚，定係我聽覺真係有問題。每次傾電話我總會問對方:「你講咩話」，「你講多次」和「我聽唔到啊」等等。其實我已經好愛惜我的聽覺，所以從來都不用MP3聽歌的。唉!如果盲和聾左甘點算?(Hubby成日話我諗埋晒d無謂野窩) 今日Hubby收到我寄給他的禮物了。(但我還沒收到，我有一個預感係聖誕前收唔到)雖然他好想好想拆開份禮物，但最後都把持得住。Hubby今日再給我多兩個hints。分別係，份禮物既size大過我送給他的八陪，和禮物是季節性的。(我依然係估唔到~_~) 昨晚和今日我都好努力地整網頁。 1)Share版加入左五個食譜 2)Gallery版大改革 3)Home版加入site map(不過未滿意，相信會繼續修改) 4)加入Chatroom Charoom係Hubby提議我整的，可以即時對話，但現在只係嘗試性質，希望大家多多支持啦~!

			芒果芝士蛋糕
Dec 19, 2006(Tue) 呢個蛋糕係我第二次整的芒果芝士蛋糕!其實材料一早就買左，但就久久都未有時間整。趁材料未變壞，所以就快d整。我覺得今次效果比上次好，尤其係個餅底! 我整的蛋糕始終都係裝飾方面較差!無辦法啦，我無藝術天份嘛!而且今日既strewberries好細粒，唔靚! P.S.今日覺得唔係好舒服，可能冷親!好頭赤~_~

			學期正式完結
Dec 18, 2006(Mon) 終於都考完晒呢個學期的finals喇!!今個學期正式完結，我既聖誕假期終於開始。係考試期間，真的很忙很累啊，連食和睡的時間都差點沒有。最近實在太忙，所以少了下廚，主要都係買Frozen Food或者係學校順便買個三文治食就算。昨晚更因為溫習考試所以成晚無訓(今日考九點)，所以我定下呢個假期既目標就係訓多d，我要趕走我既慘樣啊。 考試期間的主要食糧! 因為最近太忙，所以屋企亂七八糟都無清理過，雖然今日超級累，但我都清理返乾淨屋企先休息。我實在不能忍受屋企太過凌亂架。Hubby問我點解我一晚無訓都甘精神(無熊貓眼)，他說他的熊貓眼已經出晒黎。唉!我就算訓得夠都有熊貓眼啦，今日化左妝遮住個殘樣詐! 今晚一定要自己做返個facial，貼返個mask然後早d訓先!我開始怕埃夜，因為我開始怕老喇!呢個聖誕假期，一於要休息多d，養返精神個樣。

			親手做的聖誕卡
Dec 17, 2006(Sun) 這是Raebeituc送給我的是自制聖誕卡。 用珠片貼成的聖誕樹好靚靚啊! 因為今天收到了Raebeituc給我的聖誕卡，所以我好開心啊!這張卡是她自己親手做的。我覺得親手寫的聖誕卡已經很有心意，如果是手寫卡+自制聖誕卡真係的是雙重心意呢! 還記得我對上一次收到自制聖誕卡已經係小學生時代既事喇，所以收到呢張卡真係份外開心^^。謝謝妳~!

			鑽牛角尖!?
Dec 14, 2006(Thu) 今日考試，份卷好長，埋頭苦幹努力左三小時後，真係好累。考試後已經累到反應遲鈍，集中唔到精神。駕車既時候因為慢比人'呠'左兩次。(因為已經天黑晒，我對眼又唔好，看得唔清楚，又累，所以就小心d，但我唔覺得係慢囉!可能係放工時間，司機都比較急?) 今日終於有時間同媽咪傾下計(之前兩日都要溫習和趕功課)，我告訴她我今日考試，現在個腦好遲鈍，諗唔到野。點知道媽咪同我講，叫我讀書唔好甘大壓力，讀到個人傻左就無謂，就算畢唔到業都無所謂，唔會怪我。我即時既反應係「...!?」原來媽咪誤會左我，其實我意思係考試連續三小時，太過專心用腦，所以個人太累反應慢。我又唔係一個自我要求高的人，點會鑽牛角尖呢。真攪笑!我讀書囉A會開心,囉B會滿足,囉C會有覺得唔差的心態架嘛^^touchwood就無D。(D都合格架!) 我媽咪因為成日係報章上看到一些學生讀書讀到自殺和精神病，加上她有朋友的仔都係讀書讀到有問題，所以就經常remind我，唔好比甘大壓力自己，所以今日提到讀書讀到精神反應遲鈍媽咪就比較敏感喇。真係唔知好嬲定好笑:P 畢竟家人對我付出太多，總不能令他們失望既!壓力係有，但唔會影響情絮囉!

			想放假!
Dec 13, 2006(Wed) 呢個星期因為要溫習和考試，所以都無時間無心情寫日記。日日基本上都差唔多啦。昨日趕好份paper，今日拎返學校交。不過我唔知道心理學既office係邊，結果過我行來行去先找到，今日真係夠晒運動量啊。 其實我都有讀一些心理學既課程，但我比較偏愛social psychology。要記身體結構，biology或者細胞個d就真係無興趣。今次paper既topic係transfomational leadership。同mananment既leadership有點不同。Psychology主要係講對人。而mananment就對人對事都有。我要考埋下一個星期先考完final啊。好想快d放假。 Hubby都考試喇。大家都好忙!我地要努力啊

			繼續估禮物
Dec 11, 2006(Mon) 最近我和Hubby的話題離不開考試和估禮物。考試甘辛苦就唔好提喇，都係講返估禮物。 係我問問問抵下，Hubby又再比多幾個hints我。 1)係白色 2)有兩個不同的質地 3)唔係手袋 4)大過A4 size既公文袋 5)可以出街用，可以係屋企用 6)兩個英文字的出名牌子 7)厚身既物件 其實我地買禮物俾都方都幾抵，最少我地玩估禮物可以玩甘耐，咩都抵返晒啦!

			猜謎
Dec 09, 2006(Sat) 係我窮追不捨底下，Hubby終於肯透露一些關於禮物的hints喇。 1)大過A4 size既公文袋 2)可以出街用，可以係屋企用 3)兩個英文字的出名牌子 4)厚身既物件 (謎底要等到正日先會開估...) 我都有給Hubby一些hints 1)放得入A4 size既公文袋 2)可以出街用，返學用，或者屋企用 3)紅色包裝紙+綠色小絲帶花球 (Hubby話好肯定我送一本書窩:P) 最近我同Hubby都因為final好忙碌，快d放假就好喇:)Hubby累到講電話都無精神:(

			上癮
Dec 08, 2006(Fri) 人地話女仔喜歡食朱古力真係不無道理。其實我一向都喜歡食朱古力，但唔喜歡食糖果。我最喜歡食milky chocolate或者係有almond既。至於酒心/caramel/nuts個d就唔喜歡。(我喜歡最普通的朱古力，而唔係一粒粒好精美的那種) 最近我每日都心思思想食朱古力。去親超級市場都想買，係學校上堂前亦心郁郁去vending machine買朱古力食，甘食發真係唔掂。係未變肥前真係要忍一忍。點解食朱古力都會上癮架?現在我連朱古力曲奇都唔放過，係甘食食食。~_~

			媽媽跌傷了:(
Dec 05, 2006(Tue) 早兩日媽咪跌傷了，要打石膏。真係無啦啦。話說星期日，父母外出食晚飯， 吃飽後去囉車時，媽咪就繞過車頭上車，點知原來車頭的位置是一個半尺深的溝渠，她一腳搭了進去，即時痛到起唔到身。最後休息一會爸爸就"稱"左媽咪上車返屋企。 回到家哥哥就提議要去醫院check一check比較穩陣。於是哥哥和爸爸就車媽咪去威爾斯看急症喇。唔知道係好彩定係香港醫療好，去到立刻有護士了解程況，跟住又唔需要點等就可以見醫生。醫生又好人，非常有耐性。這次係父母第一次去看政府醫生啊!(應該話繼生完我之後第一次看政府醫生/醫院。平時他們有時都係去看私家醫院的)。最後照完X-Ray後，醫生話媽咪腳掌有骨裂，需要打石膏。兩日後返黎骨科覆趁見骨科醫生。 媽咪話個骨科醫生又係好好人，好好禮貌，解析得好詳細。媽咪可以拆石膏喇，但需要用柺仗一個月。跟住見完醫生又見物理治療師，教媽咪用柺仗。政府醫院真係好好囉。去看私家醫生都無甘好!而且費用仲好平添。第一次看政府醫生的經驗都幾好窩!不過政府醫院既唔好處係排期唔係你話邊日就邊日囉，媽咪唔需要返工就無所謂，但我阿爸平時都只係有時間去看私家醫生check up詐。 唔知係好彩定點，香港既政府醫院和醫生真係好好囉。 Many Thanks~!其實父母係有醫療保險的，係可以完全claim晒，只不過係貪近所以去看威爾斯，跟住就可以返大陸屋企。(哥哥和爸爸都要返工，而且香港屋企無工人，所以媽咪都要返大陸的屋企。) 現在媽咪隻腳依然好腫，今年她果然係犯太歲，又撞車，又無啦啦跌傷!不過已經算好彩唔需要做手術。希望她快d好返啦:) 接到媽咪受傷的電話時，真係心都離埋，好擔心架!

			迷信
Dec 04, 2006(Mon) 今日繼續估Hubby買左咩禮物俾我。其實估中與否，他都係唔會開估，看我多無聊。 其實只要係Hubby用心去揀禮物俾我，我都好開心，心意不在乎禮物既本身。但如果問我最不想收到的禮物，我想來想去，只有一樣。呢樣就係我地合照既puzzle。點解唔鍾意?其實係有三個主要的原因和一個迷信原因。 一)我唔想我地既關係變得puzzled (adjective) 二)我唔喜歡我地既相中有裂痕 三)因為一塊puzzle可以fit到幾塊另外的puzzles，所以我或他都唔係對方既唯一 最後，成日係電視都見到男女主角既合照puzzle切到最後都差一塊，根住就真係會無好結果。如果我地副puzzle都差一塊，甘點算?所以唔想take呢個risk去做呢樣野。同過年整糕一樣，整得差，衰足一年點算!好彩Hubby唔係買合照puzzle詐!

			新耳環
Dec 03, 2006(Sun) 今日我去行街買聖誕禮物俾Hubby，已經買到啦^^我覺得都幾好架。經過既時候發現了一對我喜歡的耳環，所以就決定買下，俾錢既時候先知道原來60% OFF。 (我一早以為個價錢已經係減左)原價34，現在只係$15。真係抵^^ 新買的耳環 諗諗下我已經好耐無買野俾自己。我真係一個好少買野既女仔，今年我除了買皮膚用品和食物外，真係咩都無買過。作為一個女仔，我都覺得自己變態。難怪我媽咪從來唔過問我點用錢。Hubby都願意比我打理他的財政，信心係要自己俾人地，別人對你唔信任，係因為自己做得未夠好。不過我覺得自己唔係節儉，只不過我無咩野特別想要者!

			步入十二月
Dec 02, 2006(Sat) 好多地方都放了僵餅屋出來做裝飾，於是影了兩張:D。 我個人就比較喜歡聖誕樹:P Hubby今日好開心地對我說已經買了我的聖誕禮物。我例牌會追問禮物係咩，不過Hubby又係例牌唔會講。哈哈...其實我都唔係真係想知道，我都係比較喜歡拆禮物的驚喜。我只不過係同Hubby玩下。 Hubby係一個無娛樂，無興趣的人。打機，攝影，運動樣樣都無做開(真係和我的性格一無一樣。:P)。他的生活就只有我和讀書(哈!我對他多重要)。我講笑話，不如我送本書比Hubby，點知他都話好。@@(喜歡看書的性格就完全唔同)Hubby一早已經有晒Idea送乜比我。他通常都一早有idea，而我就成日唔知送乜好。不過考慮買咩送咩禮物係一個好開心既過程。我好享受既:D 步入十二月，又係準備聖誕禮物和聖誕卡的日子。今日我寫了一些聖誕卡，又準備了些聖誕禮物俾朋友仔，好開心^^不過Hubby的禮物就未準備好，因為有點改動麻。

			新食譜
Dec 01, 2006(Fri) 今日又買多兩本烹飪雜誌，不過我一頁都未有時間閱讀啊。最近的確有點忙，唯有留待放假既時候先慢慢研究啦^^ 我個人對appetizers都幾有興趣。我比較喜歡煮野食多過做甜品蛋糕。(不過都喜歡整甜品架)，另外一本都幾好，係介紹一些20分鐘內做好的菜式，幾適合平時要返學，無咩時間既我^^