February 2007
01 02 03 04 05 06 07 08 09 10 11 12 13 14 15 16 17 18 19 20 21 22 23 24 25 26 27 28

[留言板]

多事的一天

Feb 27, 2007 (Tue)

股災___________________________

同Hubby買股票以黎，第一次遇到大跌市。見就見過呢類大場面，但親身經歷就第一次。其實買股票既時候已經預左個市會調整，加上我地係買正股的，所以唔擔心。我地早就決定是長線投資麻。如果買窩輪，期貨，孖展就真係驚D。我地亦預留左錢，適當時機就可以趁低買入更多股票作長線投資喇。(不過適當時機係幾時就唔知喇~_~")。係今日甘既情況，Hubby股票之中只有中交建唔需要蝕，依然賺緊12%，可惜總括來說就蝕緊9%。我媽咪話比我地見識下呢d風浪係好是窩!我媽咪仲講笑話我只看住Hubby的股票，唔幫她看她的股票窩:P(好衰架，笑我既:p)

財政預算報告___________________

今日上網現場直播地聽左"財政預算報告"，我覺得啊財爺好攪笑，係甘俾credit自己話他接手以來經濟增長幾多幾多。又從幾多幾多，升到去現在幾多幾多。報告中不忘讚自己一番。十分好笑哈哈!今年國民生產總值6.8%增長，通漲為1.5%，盈餘586億。這一切都代表經濟好。不過我其實都認同財爺之前所講，香港稅基機窄架(但絕對反對銷售稅...嘿嘿)。香港的確係有盈餘，但盈餘來自賣地和投資，稅基根本平衡不到開資，長遠計的確唔健康。報告亦有鼓勵生育，提高子女免稅額從4萬曾加至五萬。相信對想生baby的朋友來說是好消息。:P 未來香港經濟一定繼續增長 ，因為減稅和增加government spending都係令經濟增長的主要原因。

派卷___________________________

今日派卷，class average是50%，所以我的成績亦不用多說。我知道其他人拿50%唔代表我也只能拿50%，但基本上考之前都預計到呢個結果。我地班人考試前已經人心惶惶，都唔知學左乜!我地只係靠prerequisite既底子去應付考試乍。唯有下個midterm努力d啦!為求如期畢業，我會堅持到底，唔會drop左呢科既!





歷史劇集

Feb 25, 2007 (Sun)

我一個星期的study week終於過去，明天要返學喇!係呢個星期裡面我看完了42集的"爭霸"。我是一個地理和歷史的白痴。中西史我都沒有學過，只學過加拿大歷史，所以看古裝歷史劇對我來說學到很多東西。我當然知道電視中的歷史和真實的歷史有點出入，但對我來說可以給我一點點歷史概念。


(相片來自TVB.com)

如果我沒有看過"爭霸"，我完全不知道西施曾是妃子，還以為她是賣豆腐的美女。而且從劇集中學到沉魚落雁，東施效顰，臥薪嘗膽，兔死狗烹等成語的來由。

其他我看過的歷史劇還有"楚漢嬌雄"，"洛神"，和"帝女花"等等。 如果我沒有看過"楚漢嬌雄"，我不知道那麼多的四字成語是來自哪個年代。破釜沉舟，推陳出新，暗道陳創等等(唔知有無錯字呢~_~") 。 如果我沒有看過"洛神"，我不知道七步成詩的來由 。 如果沒有看過"帝女花"，我不知道明朝怎樣滅忙，不知道他們為怎麼要詢國。

一切一切我所知的歷史都是靠看電視劇集得知。我個人很喜歡看歷史劇集，因為可以用一個娛樂的方式學到很多，亦對中國歷史有更多概念。真的希望tvb能多拍這類的劇集。因為我對歷史完全沒有認識，所以看歷史劇時，我完全不知道故事發展，這亦是我覺得好看的原因。





人生樂趣: 食

Feb 24, 2007 (Sat)


最近看了一集肥媽私房菜教煮"甜酸肉"。其實我早就識煮呢個菜，但她提到一些秘決，所以又跟住嘗下。我自己一向都好喜歡食酸的東西架，所以都好喜歡呢個菜。(嘿嘿，唔係有左!)。另外我都好喜歡食糖醋排骨和糖醋魚，不過就未識整!以前同媽咪住既時候看她煮過一次，(當時她都係新學)。如果有食譜，我都會自己試下煮:)


肥媽秘方:
1)用糖，鹽，加一隻雞蛋"葉"肉
2)先加濕粉再加乾粉入"葉"好的肉先夠脆
3)煮用醋的食物，一定要加鹽
4)要加檸檬汁

昨日看到報紙，有一個男人因為健康飲食而完全食代餐代替正餐，而且已經幾年，昨日終於都死左。我唔知道他的死亡同只食代餐有無關係，但我就覺得一個人可以唔食野好可怕。(點解家人可以唔帶他去看醫生?)我個人認為健康飲食就咩都要食，只要唔食太多就無問題啦。

我有一個朋友又係食咩食咩健康，食咩食咩唔好。都幾令人反感架。健康的食物亦不代表可以狂食，唔健康的食物少d食咪得囉!又唔需要話完全唔食囉!畢竟食係人生的樂趣，無左樂趣，生存都無意義啦!





I Love Our Love

Feb 23, 2007 (Fri)

情人節已經過左一個多星期，今日Hubby終於有時間去郵局拿我寄出的情人節包裹。我有為他遲囉禮物而唔高興，但他真的太忙所以無辦法。用郵箱有個唔方便就係拿包裹一定要在辦公時間去，但Hubby的放學時間往往都遲過五點，而且Hubby家距離郵箱要一個多小時的駕車路程，所以十分不便。無辦法啦!


坐檯式自制月曆
裡面就留待Hubby一人欣賞喇:P

我送Hubby的禮物是自制月曆。我是用一張張的A4紙，然後把紙剪成一半，再拿去訂裝。完全是一手一腳，唔係現成買本簿返黎就算。個封面都係我買卡紙和磨沙紙自己配襯。月曆既裡面就有我的相片啦，所以Hubby日日都可以對住我。呢份禮物真的花了我不少時間，心血和金錢(真的看不出買材料用了不少錢呢!!)。好彩Hubby十分喜歡我送的禮物，大讚整得靚，話好似人地結婚個d書窩，就算過了2007年都唔捨得掉。見到他甘喜歡，我都好開心。可惜情人節以過，我對送禮物的喜悅難免減少了一點。

I Love Our Love_________________________

Falling in love with you is the best thing that's ever happened to me. With your sense of humor, your caring way, and your understanding, you've taught me how to believe in love. The times we spend together laughing and enjoying each other's company, or spending quiet moments wrapped in each other's arms, are the best times I've ever had in my life time. Nothing in the world has even meant so much to me as the love we're discovering now. And I know that I could never love anyone else the way that I love you.





年初四: 新年菜式

Feb 21, 2007 (Wed)


瑤柱豆苗和冬菇炆豬肉。相片的顏色好似好怪:(

話晒都係新年，要煮一點新年送菜才像樣，所以近日就煮了瑤柱豆苗和冬菇炆豬肉。早幾日買左甘多冬菇，都要經常煮多點先得。

最近幾日我不是食，便是訓，話唔定豬年真的會變豬@@。又是時候需要節制下!





年初二: 購物

Feb 19, 2007 (Mon)


今天行街見到這個，令我想起Hubby。
綿羊仔好可愛啊，但我沒有買，
我的性格是不喜歡買沒用的東西。

趁著放假出外行街，本應我係想為自己添置新衫，但卻經常留意男裝，最後自己的衣服買不到，但就買了給Hubby。嘿嘿...原來我和Hubby一樣，去行街買的都是買給對方。行街的時候，真的好想可以和他一起行。我買衫喜歡聽聽他的意見，而我又喜歡為他選購衣服，所以好想一起行。:D希望可以快點實現啦!


今天的戰利品:絲俑褲。
買褲俾人好難架，希望他啱著啦!!!

新年買褲，取其諧音"富"麻。講笑咋，其實唔係特登買褲，只是甘巧合見到適合的。不過我都算迷信，有三樣野我絕對唔會送給人。一)鐘 (送終) 二)鞋 (送鞋，送唉) 3)手拍 (有哭和分離的意思)





恭喜發財

Feb 18, 2007 (Sun)

今天是大年初一，恭喜發財~~祝大家新年進步，身體健康，豬年行好運。學生就學業進步，工作的就升職加薪。


收到Raebeituc的新年賀卡，很感動啊!

今日打開信箱，收到Raebeituc的新年賀卡。我事前是不知道她給我寄卡，所以好感動阿，真的好感動呢!!!她的一張卡，令我的農曆新年增加了不少氣氛。(不是講笑)真的十分謝謝你:)

今天大年初一，我的活動是參加了華人學生會舉辦的團拜。基本上去到都係同同學仔傾下計，食下野，抽下獎等等。當中亦有一些一家大細的人參加，相信是教會人。今日我的男性同學和他的中年男人朋友相約去打羽毛球，還透過我的男同學約埋我一起去打羽毛球。其實那時候我一句話也未跟那男人講過，約埋我去我真的十分愕然，然後我唯有推卻說我沒有球拍，所以不能打。待那男人行開後，我問同學那男人是誰，原來那男人是來自香港，現在留在加拿大的牧師。(甘都無甘驚!!)過了一會，他又回來，這次他才介紹自己是牧師，問我有否去過教會，叫我有時間去聽聽。我覺得有時候別人太過友善和熱情，都會把我嚇怕架!


穿上唐裝的小朋友很可愛呢!
還有我小時候最愛的金幣朱古力!!

其實一向我都很怕別人傳教，和叫人去教會。幸好他今次只是說兩句叫我去教會，沒有強力推銷。傳教是他的使命，所以我不怪他向我傳教，只要不要極力推銷我會尊重。


年初一沒有穿紅色的我:P




辦年貨

Feb 17, 2007 (Sat)

今天是年三十，又是星期六，所以我特別去了唐人街辦年貨。


第一次用我的GPS..(全速前進!!)

我的GPS終於用得著，初時候不太習慣它的指示，但經過兩個街口已經明白它的指示了。現在和它開始合拍呢，不過也有一些混亂情況發生。去到比較多分叉路的時候，它的指示就有點混亂，不夠清楚，或者我需要更多時間去適應它/明白它 啦，而且它會expect你知道自己身在哪一條街，然後留係自己條街前進，有時候keep左線和keep右線會去了不同地方，那你就要懂得留在自己那條街的線。所以用GPS也有點難度囉，但相信用多幾次可以適應既。總括來說呢個GPS都很方便，我亦相信它一定能夠帶到我去到目的地。

去到唐人街，第一件事當然要去飲茶啦。我和幾個朋友點了八個點心，個個都食得好飽呢!。


(相是用新相機影的，顏色好像比以前的sharp呢!)

今次出來主要目的是辦年貨，年貨當中包括了日本冬菇。哇買一送一呢，所以逼住要買兩包。要煮多點，食多點先得啦!


好多冬菇啊~~!




大掃除

Feb 16, 2007 (Fri)

年二廾八，洗邋遢，可是我年廾九才洗呢!今日放學返屋企就不停手做家居清潔。近日實在太忙碌，考試功課接二連三，真的忙到透不過氣，所以大掃除亦要推遲到今日先可以開始做。從下午六時開始便一直做到晚上一時。其實我覺得很眼訓，(考試後已經睡眠不足)，但清潔未做完是不可以去睡覺的!

家居清潔當中，我覺得最辛苦的是洗爐頭和抽油煙機。我花了最多時間在這個項目上。今次我特別買了去油煙的噴劑，用法很方便，油煙比以前容易清除，但依然是很難阿。現在廚房十分乾淨阿，很有滿足感。辛苦的努力沒有白費呢。(希望乾淨的廚房可以維持耐一點啦:P)





粉紅色的情人節

Feb 14, 2007 (Wed)

今個情人節已經係我和Hubby第三個情人節了。今次Hubby早早就為我準備好禮物和心意卡。


我非常非常喜歡呢張卡阿，打開張卡的時候我還興奮到尖叫呢!嘿嘿!!
(卡內的圖案)

藍色的狗狗代表Hubby，當打開張卡的時候，藍色的狗狗(Hubby)，便會走到粉紅色的狗狗身旁。粉紅色那隻當然是代表我啦:D Hubby了解到我的心意，知道我喜歡狗狗，所以特意為我選購了這張卡。(((好鍾意啊)))看看狗狗的表情，真的好可愛:P


情人節原來是粉紅色的!!

Hubby早前在雜誌中看到了一部粉紅色的相機，他便特登去買給我。Hubby說很少見到粉紅色的相機，而且情人節是粉紅色的，所以便買下給我。剛好我的相機有時候壞壞地(影相後不能preview)，所以也是時候要改朝換代了。這部新相機用法比以前方便，而且因為有兩個鏡頭的關係，所以有很多功能以前的相機是沒有的。這部機絕對適合我呢種不懂影響的人，因為functions包括了多個不同影相的地方，分別有影近，影遠，室內，室外，影花，影雪，影海灘，影煙花，影日，影夜，影動感，影靜止，影小朋友，影背光，影蠟燭光，影日落，影做運動，影藝術館等等。只要我選擇我想影咩，相機便可以調較，好方便啊!!!這是以前的相機沒有的!(以前的要自己調較，現在的都可以自己調較，但我唔識嘛^^")


要特別一提，這個包裝是Hubby花了一個小時，
分別用三張顏色A4紙包的。所以要影下來留念呢!
他花甘多時間包禮物，我一定要讚下他:D

我送Hubby的禮物要過兩天才能post出來喇，因為Hubby未有時間去郵局呢!(我的禮物沒有遲到阿，只是他因考試未有時間去拿郵件咋:P)

在這裡祝大家情人節快樂~!Happy Valentine's Day~!(雖然遲左少少^^")





下雪的危險

Feb 13, 2007 (Tue)

呢幾日不停下雪，雪已經堆績到有三份之一的車胎甘高。幸好都依然出到車返學。其實早上見到甘多雪，都有想偷懶的念頭，但當然最後都打消念頭啦。落雪駕車好危險呢，今日就有三單關於車的事件發生了。


呢張相係前幾日影的，但呢兩日都不停落雪，
現在的雪比呢張相的雪還要厚啊!

1)今日中午時間，轉堂時我看到停車場上發生了一宗輕微交通意外。話說兩架車一先一後從自己的車位向後退想出車，其中一架已經停了下來，而另外一架就用車尾碰到了對方的車尾。案發經過我看得一清二楚，受害的車主是我的同班同學，但 我們就並不認識。於是我告訴他我看到整件事的經過，如果將來有咩爭論，我可以做證人，於是我亦給他留下了我的電話號碼。

2)今日午餐去了McDonald's去買drive thru回家食，回家途中特然在十字路口因地滑關係未能停車，幸好對面線無車，可以讓我安全轉入細街!真的有驚無險!以後落雪都係不要四處去了。

3)回到宿舍留下的停車場，見到一外國人撻唔著架車，(我以為太凍的關係)於是自告奮勇地說可以幫他撘返著架車。原來他的電池完全死了，已經自行換緊。(甘叻既!?)

落雪真的對車影響很大，我都要小心d先得。





不勞而獲!?

Feb 11, 2007 (Sun)

Hubby買了股票二十一日，總結成績增長了兩個percent。(最高曾經蝕過5%)。Hubby的股票之中最掂的是1800。呢隻股票21日就賺了16%，不過現在有兩隻股票都要蝕少少(分別蝕了2%和3%)，只係拉勻唔洗蝕者。Hubby對於有錢賺心情古怪。覺得自己無做過任何野就有錢賺，感覺好奇怪。因為別人要辛苦工作才賺到錢，自己卻無付出過就可以有錢。其實係股票上賺錢並不等於無付出，買股票要承擔風險(蝕錢既時候咪一樣無人同情)，而且投資亦有代價麻。經濟學上，咩都有代價的，"世上無免費午餐"都應該聽過啦。投資的代價不是蝕錢，而係你失去了運用投資呢筆錢在其他方面。我唯有安慰他不要想太多。而且投資股票對社會都有貢獻窩，可以帶動社會經濟，製做money circulation (money flow)。我個人認為工作是為了賺生活所需要的錢，而投資才能增加你的財富，所以不能混為一談。

其實我都明白Hubby的心情。我同Hubby都知道自己是幸福的一群，有家人的幫助，人生的路都比較平坦易行。家人對很多人來說是經濟負擔，而家人對我們來說卻是後台。




一次過收到的禮物

Feb 09, 2007 (Fri)

期待已久的包裹終於都平安收到。(我知道大家都替我心急，因為之前實在太多阻滯)。今次的包裹又大又重，我拎住個大盒從學校宿舍管理處行上車都差點唔夠力。無辦法啦，甘多份禮物一次過收到:P今日對住甘多禮物真係好興奮阿! \^v^/

遲來的聖誕禮物_____________________________________


06聖誕: 帽內的毛毛好滑阿:P

↑呢件衫係聖誕禮物。款式是我喜歡的類型(我和Hubby有相同的taste啊)，尤其是那頂毛毛帽，我摸到停不了手，好滑阿:p呢件衫係extra small，其實非常合身，但一如我估計，真的十分貼身阿，攪到望落身材好豐滿添。呢件衫真好靚，那些cutting令人看起來唔肥。可惜那個幫Hubby包起件衫的售貨員好唔掂!明知到係用來送禮，但居然唔搣價錢，(Hubby已經有提醒她)攪到我知道禮物的價錢。件衫我真的很喜歡，但如果我自己shopping，我就一定不會買喇因為實在太貴。甘貴的衫我真係無買過，褸就有。原來我Hubby揀衫的taste都幾好架(at least和我的一樣^^都係喜歡清清地和斯斯文文的類型)。終於都知道兩個字組成的牌子名，第一個字三個音，第二個字兩個音係咩牌子，但一向不懂牌子的我，就估唔到呢個牌子喇^^"。

手信________________________________________________


06手信: 以後化妝要學襯顏色喇!

↑呢set唇彩係Hubby聖誕節和家人去旅行時候買給我的手信。一共8支，我好似從來都未試過一次過買甘多脣膏/唇彩。每次都係買一支，而且用好耐。我的化妝十年如一日都係甘麻:P。Hubby買的時候還有其他化妝用品送，有脣膏(不過送俾媽咪都唔適合的顏色)，有一盒四個顏色的眼影，(都幾好架，我無深色眼影)，又有一支mascara和兩支lotions。總括黎講都好適合我^^。Hubby是一個喜歡女朋友打扮的人，每次他見到我打扮得靚，他都好開心架。他不像一部份的男生不愛女朋友化妝，他喜歡我靚靚，化淡妝。(唔係因為他覺得我唔靚，所以要我化妝:P)我覺得男生重視老婆/女友靚多過自己靚囉!(我阿爸都係甘架，好攪笑!)

飛來飛去的生日禮物_________________________________


06生日: 坐過多次飛機河的手鏈@@

↑呢條坐過多次飛機河的手鏈終於都改好，而且尺寸改得剛剛好。(來回共五程飛機)終於都可以戴喇!(我的生日又快到喇，差不多又一年了@@)

遲來的拍拖兩週年禮物_______________________________


07週年紀念: 衛星導行

↑呢個係GPS(衛星導行)是我和Hubby兩週年的禮物。嘿嘿，Hubby真細心，知道我認人認路都唔掂的我需要這個。其實我會看一本本書的地圖，但因為我懶惰，看得又慢，而且細膽，所以就不敢駕車去比較遠地方玩。我不敢的原因不是不能駕長途車，而係怕迷路。現在有了這個我可以去更遠的地方都不怕喇。呢個GPS可以在北美洲，和歐洲使用，不過亞洲就不適用喇。如果用得好，將來返香港，都要買返個，甘我就可以駕車四處去啦^^我係香港完全唔識路架!(我知道中國大陸可以用到GPS，但香港唔知道有無呢?)唔知道Hubby送呢個東西給我是否要我認清我的前路呢!?我的路要通往和Hubby一起的路。^^初時打開個GPS盒，見到裡面的小配件，用具和CD，我有點頭痛架，(可能女仔對電子產品都是這樣@@)，不過用起來好簡單，好快就識用^^唔錯!

一次過收到甘多禮物讓我覺得好物質，但Hubby話其實只係一齊寄，唔係好多禮物窩。^^今日心情好興奮啊!

興奮程度＝聖誕06×手信06×生日06×紀念日07




初級四眼妹

Feb 08, 2007 (Thu)

前日收到眼鏡公司的電話，我的眼鏡終於都配好，可以去拎喇!但由於呢幾日我好忙，所以拖到今日先去拎。(見我甘多日無寫日記就知道我忙啦!)今日見到我配好的眼鏡，依然覺得幾靚:)，所以無後悔當日揀呢副眼鏡的決定。

返到屋企，我已經急不及待戴副眼鏡俾Hubby看。
我:『我似老師嗎?，我似Librarian嗎?』
Hubby:『如果Librarian係你甘樣，圖書館一定好多人!』
我:『...!?』 (果然係情人眼裡...!)
Hubby:『我覺得你戴左眼鏡似音樂老師!』
我:『我要似經濟學家。』
Hubby:『你戴左眼鏡唔笑既時候好嚴肅，小朋友見到你會驚!』
我:『...:(』

今日特登係屋企戴眼鏡適應下，感覺眼前一亮，看遠野清楚好多，但初初戴眼鏡，感覺距離感怪怪的，之後仲好頭痛^^"Hubby話初初開始戴新眼鏡，唔可以戴太耐，要時間適應。怪不得啦!我覺得戴左眼鏡，就好似看電視既時望到有個框一樣，好唔舒服，相信要適應左先會感覺唔到個框的存在。


比較戴眼鏡前和戴眼鏡後!分別大嗎?

我覺得戴左眼鏡個樣斯文左，個樣叻左，但係就老左醜樣左。我已經決定，我只會上堂時先會戴眼鏡，落堂後立刻把眼鏡放返落袋!Hubby都話我戴左眼鏡成熟左幾年，唔制啊!雖然成熟的外表比較容易得到別人的信任，但要得到別人的信任不是靠外表的，所以我都係情願個樣後生D :p





開心無聊瑣事數宗

Feb 05, 2007 (Mon)

最近經常都問Hubby關於法律的問題，真的感受到無知是會俾人騙的。我問的法律問題都不是自身貼身問題，都只是好奇一問而已。現在我知道更多了，亦明白更多。Hubby真的好叻阿，嘿嘿!有Hubby我就不怕給人欺負了(但Hubby不要欺負我阿)

Hubby昨天去了行街，又買了東西給我。我發現Hubby每次行街，看的買的都是我的東西，但從來都不看自己的，亦沒有買東西給自己。不論有意去行街，或者只是狂狂，看的都是有沒有適合我的東西。他笑說他不需要任何東西。嘿!Hubby真錫我。Hubby所送我的禮物都在途中，希望快d收到啦，真的頸都長了。

今日上堂時候派卷，是自助式出去拿卷的。當我專心尋找我的卷時，個prof特然大叫(其實他經常都是這樣跟我們玩)，今天竟然給他嚇到，(因為他在我的前面近距離叫)，嚇得我"do"起嘴唇。大家幻想一下我"look"起雙眼，"do"起嘴唇的樣子!!個prof見到我的樣子居然笑得好開心。~_~"連隔離班的prof也在場。唉!(回家返到屋企自己扮返哪個樣，安慰自己，都幾可愛既^^")


早餐有太陽蛋，腸仔，火腿和蛋糕。其實還有豆奶
我的早餐從來都沒有bacon，因為我不喜歡吃呢:P




失業!?

Feb 04, 2007 (Sun)

心中覺得別人誤解了我，以為我是天真單純，不知世途險惡，更喜歡對我說誰誰找不到工作，某某又只能做甚麼甚麼的工作。是要跟我說我會找不到工作?(苦笑!)就當我不懂吧!我都不明白，點解與我同年的人會覺得我天真單純，但年長的人會覺得我思想成熟?

看一看數據，過去一年失業率只有4%，當中大學生佔多少呢?又有多少是長期失業呢?理論上，一畢業就是失業，(經濟學上，畢業了的學生，立刻計入勞動市場Labour market)因此失業是每個人(絕大部份人)投入工作前的必經階段。現在香港失業率只有4%，我不相信會很難找到工作。可能未必是最理想的工作，但如果有心找工作，我不相信會找不到。所謂失業，基本上只要你沒有工作，看一看求職版打算找工作，就已經算係失業。

現在我分析我失業的可能性。基本上失業分為四大類*Frictional unemployment， **Cyclical Unemployment， ***Seasonal Unemployment，和 ****Structural Unemployment。現在香港的經濟環境，對大專生/大學生/或者文職工作(即是我的類別)，相信主要是Frictional unemployment。即係自己離職，去找更高待遇的工作。這亦計入這4個percents的失業率! 現在的經濟環境低下Cyclical Unemployment， seasonal Unemployment，和Structural Unemployment都影響不到我。Cyclical Unemployment發生在經濟差的時候，Season Unemployment發生在季節性行業(我並無打算做呢類行業)，Structural Unemployment也一樣，香港的經濟體系是不可能沒有和經濟相關的行業。要知道金融和trading是香港的主流。

別人說找工作有多難我不介意。因為每一個人的制遇都不同。我亦相信，別人做不到，不代表我可以做不到。我亦不是勞動人口裡面最差的哪4個percents。我知道找不到工作除了學歷，經驗，性格，制遇，口才還有其他其他。100人之中有4個人找不到工作，這個是不可能令我灰心的數字。我並不是樂觀，但既然控制不了(又已經裝備好自己)又何必自我ZIT氣，自尋煩惱!?太樂觀和太悲觀都會影響決定，直接影響前途。理性分析自己的長處和短處更為重要。我並唔擔心將來找不到工作，一來我不急於找工作，二來我不需要養家，三來我唔大想頭，經濟上亦容許我可以慢慢找喜歡和適合的工作。

*Frictional Unemployment: 經濟好的時候，自己離職，去找更高待遇的工作。
**Cyclical Unemployment:經濟差的時候，Labour supply>Labour demand，所以找不到工作
***Seasonal Unemployment:季節性行業或者受季節影響的行業，例如旅遊，酒店，fishery， farming等等
****Structural Unemployment:在市場上沒有你專長的行業





一品窩／雲吞

Feb 03, 2007 (Sat)


今次又包雲吞，不過材料卻和上次的不同。接立左上次大家留言的意見，今次包的是菜肉雲吞!今日包了很多，一大碟包黎打邊爐(其實是一品窩)，一碟包給朋友，一碟包俾自己慢慢食。我出街未食過菜肉雲吞，所以唔知道應該係咩味道。我覺得自己包的菜肉雲吞都okay架。(落左白菜粒+調了味的豬肉)。最近我亦愛上食生嚎!正!

最近我很少煮中國飯，通常都是整西餐(薯蓉，意粉)，煮麵(Udon，米粉，生麵等)或者一品窩。口味既野真的是一時時。





股票／眼鏡／網頁

Feb 02, 2007 (Fri)

呢兩日我已經無乜check住個股價，我甘快玩厭?跌市又唔打算賣麻，我又忙考試，所以先無理。其實早早就預左個市會跌，但Hubby又心急買，不過都無所謂啦，擺到我地結婚既時候，應該會賺到唔錯既錢^^"係Hubby買既股票之中，只有1800仲賺緊錢，他媽咪果然無介紹錯。總結Hubby一月份既股票，net loss係3.5%(即係蝕左本金既3.5%)。都唔係好多!

我上個星期配的眼鏡依然未有得拎，點解會甘耐架!?我朋友話我只有75度，唔難配，無理由要甘耐。眼鏡 公司亦應承我星期五俾眼鏡我，但今日都無打過電話比我。我有點心急阿。上門問過，又話要"early next week"先有!效率甘低架?她們解釋說因為我的眼鏡是沒有框架，所以鏡片要鑽隆，因此要多點時間。我很隨和的笑了笑表示明白就走了，希望下個星期真的有得囉啦!

不驚不覺我的yennychan.com已經使用了一年了，今日Hubby已經幫我續了，好yeah!唔該晒^^