July 2006
01 02 03 04 05 06 07 08 09 10 11 12 13 14 15 16 17 18 19 20 21 22 23 24 25 26 27 28 29 30 31


出量

Jul 30, 2006(Sun)

Hubby做part time的第一個project終於完工。聽日會返工交貨。希望順利啦。今日我吩咐Hubby他出量後要記得請Uncle和Auntie食飯，因為平時uncle，auntie甘照顧他。他話good idea，但他之前無諗過窩。好彩Hubby有我呢個甘世顧既女友提醒他者:P。(哈哈...讚一讚自己先:P)。他說他出量心裡只記得我一個窩。我聽到甜死:P。其實Hubby人生第一次出量既時候已經有我份架喇。嘿嘿甘當然他家人都有啦^^

街市行程:

一向生活同師奶無分別既我，當然要向大家會報一下街市(超市)既所見所聞啦。今日我見到呢D好似拇指甘大既茄子。我覺得好可愛，好少見到架!


好少見呢d甘細既矮瓜，個樣好可愛，
所以忍唔住要買黎玩(煮):D




新版:Video

Jul 29, 2006(Sat)

今日忙裡偷閒係網頁開多左一個Video既section。(其實我有好多功課要做，又要溫習，不過就心散想整整個網:P)。現在Video呢個section已經有三個clips分享喇。以後我都會係呢一版同大家分享我更多既短片。希望大家支持啦。[立刻前往]


今日煲左個清既湯，大熱天時飲就最適合。
呢個湯叫"節瓜瑤柱豬骨"。今日又整左大蒜炒雞。
Hubby每次聽到我整呢個送總係好開心。
哈...下次整俾你食，乖!





自己製作的一個短片

Jul 28, 2006(Fri)

我唔係好開心，因為我覺得我交的assignment和presentation做得唔夠好。如果時間充裕，我覺得效果會好D囉。

呢個片段係我製作的，唔好看呢條片得短短一分鐘，其實我用了十多個小時去做的。我覺得效果唔係太滿意，不過唔夠時間，無辦法啦。


片中大部分既八哥犬都唔係我隻狗狗Happy。
只有看獸醫那張相先係Happy。
其他全部的都唔係同一隻狗黎架，
係我將他們放埋一齊架。:D係咪好可愛呢^^






離譜

Jul 27, 2006(Thu)

連續唔開心左七日，不過心情絕對無影響我充實既生活，只係今日晚上心情較波動，不過現在無晒事喇^^

今日忙得好利害，但我忙還忙，我都有食lunch(係咪好乖呢)，但今日放學(晚上六點幾)，我先發現，原來今日全日都未去過洗手間，(早上起床個次之後就無去過，一直到晚上六點幾)。我要到放學忙完晒所有野先記得有急呢回事，我都覺得自己好離譜@_@。

今晚我個頭好痛，我甘大個女都係第一次頭痛得甘利害。可能我連續一個星期每晚都只訓得三個幾鍾啦，最後要食粒panadol先訓到。:(





Cheap!!!

Jul 26, 2006(Wed)

上回講到"我啊哥被女友逼婚導致分手"和"女友係分手後20日立刻和他人結婚"的事件後。原來呢件並未完結。呢個月收到電話費單，(我哥以前開給她的那個電話)電話費居然要二千幾。正常甘用點會甘貴。我啊哥就錯在唔立刻cut左她條線。呢d人甘無教養，甘cheap，真係早走早著。

我媽咪話發生呢件事都好既，用二千幾蚊就讓我哥看清楚呢個究竟係一個咩既女仔。

嘿，我啊哥現在有新女友喇。^^希望他不是用一段新的感情來治療舊的感情創傷啦。





問題冷氣

Jul 25, 2006(Tue)

最近唔知道係生活苦悶(唔係返學就留係屋企)，定係因為懶惰，所以唔想寫日記呢，我已經有好多好多日無寫日記喇。生活平淡得不是返學，食野，便是訓教。無聊得很。

昨晚訓得三個半鐘，今日有d唔舒服，加上早上的一堂冷氣凍到不得了，帶了外套的我依然凍到騰騰震(逼住埃了三小時)。今日下午個堂個冷氣唔知道係壞左定無開，焗過焗爐，結果又埃左五個鐘先放學。今日學校個冷氣甘有問題，唔病先出奇。放學後成個人都好累，又累又唔開心。


今日開信箱發現收到一張從英國寄來的名信片。
好開心~~ 謝謝友人S :)




欣賞

Jul 21, 2006(Fri)

今日Hubby好開心啊，因為係工作上，他得到老闆和客人的認同。他開心，我都開心埋一份。^^其實Hubby返電腦公司既part time工已經兩個多星期。雖然他之前完全不懂整網頁和data base，但老闆居然都主動請Hubby。聽說老闆喜歡Hubby做人那份努力和忠厚。:P今日Hubby返工讓老闆和個客看他so far做左咩，點知老闆同個客都好讚好。個客仲另外要求做多一個網添。(Hubby幫公司接多了一單生意:P)別以為Hubby只是好彩，其實Hubby付出了不少努力，要先看書學習技考，然後就不斷嘗試，我見他日忙夜忙就知道他好勤力。得到別人的欣賞，絕對不是曉幸，而是努力的成果。其實我最欣賞Hubby那份事業心。他做事好認真和好有要求的，雖然他對電腦呢行認識唔多，但絕對不會求其交貨。

我都唔明白點解Hubby個老闆甘喜歡他，仲成日四處同人講他有個讀Law的員工，好似好引以為傲甘。今日我問起Hubby既人工，原來他好高人工。他返兩個半星期已經有香港普通大學生一個月人工的一陪。:PHubby真本事:D (可能係美國人工好掛?)

最近我同Hubby真係事事如意， 樣樣稱心。^^好開心:) Happy moment is yet to come :P





Secret of the Wild Child

Jul 20, 2006(Thu)

今日好慶幸自己無走psychology呢一堂(其實一向都無走:P)。上堂既時候prof播放了一個大概個多小時既video。通常呢些片都很悶，但今天所有同學都看得好入神，包括我在內。

呢個video個名叫"Secret of the Wild Child"。係講70年係美國LA發現了一個13歲女仔Genie俾父母從一出生就鎖係一間得一張床，一張凳仔既房間13年。呢個女仔，完全無同任何人接囑過(父母連一句說話都無同她講過)，所以Genie咩都唔識，唔識講野，唔識控制大小異便(13歲都要著紙尿片)，連行路都怪怪的(因為地方細少行路)。社工發現事件後，她爸爸自殺了，媽媽就被控告。

我真係唔明白點解呢個世界有d甘狠心既父母，甘樣isolate一個人，比殺了她更殘忍。唔想照顧個女咪送去俾政府囉。呢個女仔仲生得幾靚女添，她的一生，就甘斷送了。

我覺得事件被揭發後都未完，很多專業人士包括醫生，研究人員和言語的專家都幫助她學習，不過我覺得他們唔係真心幫呢個女仔，只係想出名。做research既時候就收養她，但經過五年研究，政府唔再fund給他們做research，他們就當個女仔係人球。他們不斷的對她做test做研究，對個女仔絕對有影響。個女仔係需要教導和治療，唔係他們的白老鼠啊。

我覺得個女仔好慘，個research完左之後，轉了六個收養家庭。其中仲給寄養父母打，攪到本來學識講少少野的她，又再唔講野幾年。現在她變成點，就唔知喇。(我個prof話她應該未死窩)我覺得D領養家庭收留她之前，好應該想清楚(要預左照顧她唔容易)，點可以話要就要話唔要就唔要?對待貓貓狗狗都唔得啦，更可況係人?

看了片段後好唔開心，點解要甘:(

P.S.想知道更多可以到以下網址。 http://www.feralchildren.com/en/showchild.php?ch=genie





Happy食雪條

Jul 18, 2006(Tue)

昨日哥哥sent了Happy的最新片段俾我。夏日炎炎，就連Happy仔都熱到要食雪條。哈。餵緊Happy食雪條既係我媽咪，拍片段的是我哥哥，而係片段中講野那個就係我。

點解片段中會有我的聲音?其實我把呢條片作了後期加工。加入了我的旁白和剪緝了部分片段。Happy係咪好精靈可愛呢?:D

今次的片段我係學校剪緝的，學校的電腦好先進，好多program都有，我個電腦就連Photoshop都無，好在係學校整野都好方便。^^


夏日炎炎，Happy都食雪條。






適當時候要say NO!

Jul 15, 2006(Sat)

有一同學因放暑假，所以就把他的房間退租(他不是住學校的)，然後搬回他來自的地方。其實我早就覺得呢個做法有點問題，畢竟我們的隨身物品都不少，如果要搬來搬去就很不方便。另外，遲D放完暑假又要找地方搬。臨急臨忙點找地方?結果很好人的我收留了他的物品，讓他安心回家放暑假。

以為他一早作好打算，回來時候會有地方住，但今天收到他的MSN，他說擔心找不到房子，(我早就擔心過呢個問題，如果係我，就一定不會退租囉，免得麻煩)。我覺得他言下之意，回來時有點想暫時住在我家的意思。如果他是女同學，我都會面為其難收留她，但男女受受不親，唔係太方便囉。

所以我就提議幫他拿些有關的資料給他，(學校的notice board有很多房間出租的聯絡電話)，但他一二再，再而三地問我會唔會太遲租唔到。哇，我點知道?其實我一早怕麻煩，所以選擇住係學校，但他又嚴貴。如果他下次講到明要我收留他，我點拒絕好呢?





雪藏晚餐之夜

Jul 14, 2006(Fri)

最近好懶去行超級市場，通常我都會一個星期去一次，不過今次對上一次去已經係個多星期之前。結果，今晚既晚餐就唯有儘量用雪藏食物啦。


一)雪藏豬"月展"煲藥材湯(雖然個樣黑麻麻，但原來好甜的)
二)雪藏雞翼炆冬菇
三)煎豐雪藏銀雪魚(可惜無蔥)
四)三色炒蛋(咸蛋皮蛋炒雞蛋)

嘿嘿...今晚既晚餐絕對係用有限既資源去Maximize我既utility :D聽日都係要"的"起心肝去supermarket，如果唔係就要開始食罐頭喇:P





學費/忙碌

Jul 13, 2006(Thu)


昨晚收到學校的email提我交學費，唔通我過左expire date?於是今日拿拿臨令張check去交學費。呢個summer sem讀兩科，所以學費唔貴，而且每個學期政府都會幫每個學生交$112，所以今個學期學費特別平:)。我覺得政府好支持學生讀postsecondary，怪不得有不少中年人讀返大學啦。

今日好忙啊，早上九點堂一直返到晚上七點鐘先回家。其實中途有一個小時lunch hour，不過為趕assignment所以要犧牲午餐時間去computer lab趕工。今日全日食了半件turkey sandwich(早餐)，一碗cream of celery既湯(三點三)，和粟米雞絲congee(晚餐)。原來忙係最有效減低食慾架，長此落去，又可以減肥了:P





銷售稅

Jul 11, 2006(Tue)

今日打開報紙，看到香港政府提倡今年中開始銷售稅(GST)。其實呢個topic都講左好幾年，今次提及到預計會收5%，但會減收差餉和income tax。其實一黎就收5%GST都幾多，不過比起加拿大十幾個percent就濕濕碎(加拿大要比GST+PST啊)。每年返香港其中一樣最開心既就係Shopping。買野唔洗稅，價錢幾多就俾幾多。如果個稅可以直接加埋係件貨既價錢，甘俾錢既時候唔覺俾左稅個人都開心d麻。:P(以後買野，尤其係幫趁個體戶，記得要囉單據，make sure D稅入倒落政府袋。哈)。香港將來既銷售稅會包括埋essential good and service，甚至看醫生都要收，呢點就同加拿大唔同。我覺得無理由連必需品都收稅。luxury good都仲話，我無錢的話最多咪唔買，但人始終要食。係加拿大我地買必須既食物例如，麵包，米，牛奶，雞蛋，和菜等等都係免稅。香港政府甘有錢，但居然狼過負債累累的加拿大。

其實話就話減income tax，減差餉，市民聽落好似輕鬆左，但銷售稅都幾陰ｄ陰ｄ，唔覺唔覺其實會交唔少。低收入人仕未必要交income tax，但他們就會用掉大部分人工去維持日常生活。GST就影響呢批人最多!如果稅收唔係多左， 政府又點會推行新方案，所以點計市民都係要交多左稅。仲係大人細路都要交，未識賺錢既細路都唔放過。

政府加減稅(又名fiscal policy)亦會直接影響經濟。加稅會減慢經濟，因為市民既disposable income少左，即是可以用的人工少左。其實香港經濟先剛剛好返d，真係擔心香港經濟會再跌過。加稅其實應該係經濟好既時候加，唔係剛復甦既時候啊。





相片

Jul 10, 2006(Mon)


呢些相片係Hubby之前去拉斯維加斯工作時影的，今日他才send相片給我看。那裡真的是五光十色，好靚啊，不過我最想看的都是白老虎。好可愛啊，好想pad下他啊:P至於下面圖一的成堡酒店是我N年前去時住過的，還記得那裡好靚呢。我都想再去拉斯維加斯玩啊:D





世界盃

Jul 09, 2006(Sun)

好多謝大家既關心，其實昨日的事都是小事一件，絕對不會影響我同Hubby既感情，我地已經好返喇。我雖然容易生氣，但就勝在嬲唔耐。快則一兩個鐘就無事，慢則第二日就唔記得，絕對無隔夜仇。今日Hubby一早就打來找我。嘿，試問我點嬲得落。:P

世界盃終於完滿結束，今屆世界盃我只看了最後一場，叫做感受下世界盃的氣氛啦。我看既時候兩隊都支持，無話特別支持邊隊，但看了幾分鐘，我就決定支持法國。其實係覺得義大利會贏，但卻想法國勝出。不太懂得足球既我，覺得義大利好奸，成日kick跌對方。

呢場賽事最出人意表既係施丹居然紅牌俾人趕出場。都唔知道對方同施丹講左乜攪到他甘嬲要用鐵頭功打人。最初球證看唔到，係旁證話比球證聽電視影到他打人，然後先給紅牌，如果係無衛星既年代，相信施丹過骨。他呢個行為，成為左千古罪人，點解唔可以忍一時之氣呢。我成日諗，如果十二碼有施丹，係咪唔洗輸呢?


Zinedine Zidane snaps and headbutts Materazzi
in the chest during extra time of the World Cup final.
(Courstesy ABC Television / Associated Press)

雖然話踢足球係講team work，但成隊球隊最特出既係前鋒，入到球就係英雄。但做龍門咪好慘，接到個波係應份，接唔到就係罪人。(記得以前上PE，我最想做龍門，因為唔洗跑來跑去麻:P，最多個波飛埋黎我就走開，甘咪唔怕中波餅囉。。哈)





壞心情

Jul 08, 2006(Sat)

今日心情唔好，為一件好少既事發了Hubby脾氣，我都唔知道點解自己今日會甘唔耐煩~_~。我個人就係甘，所有感受都掩飾唔到。心裡的說話一定要講出來才覺得痛快。這是優點亦是缺點。 我始終認為收收埋埋只會令自己更加唔開心。人總有不喜歡的事情麻。唔喜歡當然要說出來啦。 也許我應該用別的方式說出感受既，甘出來的效果可能會好一點。

今次又是這樣終斷對話，我覺得你這樣對我已經成為習慣了。是否symbolize了一些甚麼?


這夜，我睡不著，亦不想睡!




十指痛歸心

Jul 07, 2006(Fri)


今天下午四時的早餐
別誤會我大食，我只吃了這裡的一半:P

今日我下午四點幾既時候，煮了個腸仔蛋早餐食，但別誤會我甘晏起床啊:P，我只是無食午餐，又想食腸仔蛋窩，所以先煮個早餐當下午茶。其實我今天一早起床，而且吃了cereal做早餐。我幾乎每個早上都係食cereal的，方便快捷營養豐富低脂低卡路里又美味麻。

今日煎sunny side up雞蛋既時候發生小意外，我給熱油彈親手一下，立刻好痛，所以開了水喉沖洗，之後仲腫左添。:(據我記憶，我應該未俾油彈過，所以唔知道點做。唉，好痛~_~彈親指頭，十指痛歸心啊~!





學業上的新目標

Jul 06, 2006(Thu)

最近好忙，不過唔係忙功課考試(剛開學麻)，而係忙學校讀書上的planning。呢兩日都見了Academic Advisor三四次，下一個星期還要見多一次，了解清楚。現在我在學業上有新的打算，畢竟將來工作後再讀書就唔容易，所以我都決定現在花多少少時間繼續讀。現在心目中都有點計畫。我會努力邁進新目標的。^^

我真的覺得自己好幸福，得到家人和Hubby的支持(他們都贊成)，媽還說讓我讀到我唔讀為止。我的決定，理論上應該對將來工作有多點幫助的，不過我都明白學業和工作唔一定成正比，但書到用時慌恨少麻。都係趁自己仲年輕，讀多一點。

將來返到香港，我亦打算讀中文，雖然我識講，但懂得寫的就不多了。將來工作上，我未必需要中文程度，但我都希望可以讀返at least中五程度。唔知道我甘BB班既程度既中文，可以報讀咩課程起步呢?





此風不可長

Jul 04, 2006(Tue)

 點解呢個世界會有D甘唔識為人切想既人?我們自己不是唯一生存在這個世界上的人，我們要懂得尊重其他人先得架麻。話說今日開學，某學生的電話係一堂裡面響過五次。真係好離譜，你唔聽書其他人都想聽。點解他/她可以一點尷尬都無，可以俾個電話影響其他人甘多次?我無回頭望過係邊個同學，但就肯定係同一個人，因為係同一個電話鈴聲。

呢一堂既instructor無乜俾note，所以唯有她一邊講，我忙著一邊寫，你知啦，要寫得好快先唔會miss左d重點架麻。正因為我太專心，所以一向心血少既我就給他/她的電話聲響嚇了好幾次。電話鈴聲真的好打擾人啊。

我上堂都較無聲，免得打擾其他人。偶然唔記得較無聲所以電話響，我都會好尷尬立刻關掉電話啦，點解某些人會甘自私?等電話咪較vibration mode，然後出去聽囉，個電話響甘多次，但係又唔接聽，甘即係咩意思?如果再係甘，我會email個instructor提出呢個問題。此風不可長啊!





跟烹飪節目學煮餸

Jul 03, 2006(Mon)


「乾煎茄汁大蝦」和「沿莤皮蛋魚片湯」

早前看「一粒鐘真人蘇」學了兩個好想煮的菜式。茄汁大蝦我一向都識煮，但見到啊蘇做法好特別，她加了大量乾蔥，所以應該會特別好食，今日就自己整來試下。不過我唔喜歡她先用滾水煮熟D蝦，然後先炒。我自己喜歡煎完先再炒。^^唔喜歡食海鮮既我都覺得好好食。:P

至於個湯，我都覺得好特別，以前未煲過，所以特登試下煲，因為我自己喜歡滑滑豆腐，所以自己就加埋豆腐。呢個湯都ok既，不過我自己prefer老火湯，可能習慣左飲老火湯啦。

聽日開學喇，又要開始我六星期的非人生活。希望呢個學期會同之前個學期一樣，考到好成績啦^^(上個學期的GPA有3.5^^)





懷舊金曲之夜

Jul 02, 2006(Sun)

今晚Hubby又訓唔著，(點解最近無壓力都成日訓唔著架?)，所以我地就傾電話。要總括返今晚既theme，我會話係"懷舊金曲之夜"。

今晚發現我同Hubby都識唱好多舊既英文歌。有時我唱下，有時就Hubby唱下，一唱就唱左個多小時。(嘿嘿，好似唱Karaoke甘:P)。我地都好喜歡"Yesterday Once More"， "Imagine" 和 "Puff the Magic Dragon"等等。 我仲錄低左Hubby唱"Yesterday Once More"添，我真的好喜歡，不過有人唔俾post。嘿嘿，甘就唯有留返比我一個人欣賞啦:P。其實我同Hubby都幾老土，現在最新的歌我地都唔識，我們只識一些舊歌。

其實Hubby既父母和我媽咪都好喜歡聽英文歌，(遽說係她們個個年代好流行)，所以我同Hubby都聽過下啦:D

Yesterday Once More

When I was young
I'd listen to the radio
Waitin' for my favorite songs
When they played I'd sing along
It made me smile。

Those were such happy times
And not so long ago
How I wondered where they'd gone
But they're back again
Just like a long lost friend
All the songs I loved so well。

Every Sha-la-la-la
Every Wo-o-wo-o
Still shines
Every shing-a-ling-a-ling
That they're startin' to sing's
So fine。

When they get to the part
Where he's breakin' her heart
It can really make me cry
Just like before
It's yesterday once more。






美女廚房

Jul 01, 2006(Sat)


有時候師父的comment真攪笑:P

最近一次過看了數集「 美女廚房」。「 美女廚房」好笑就好笑，但意識就不太好，有點stereotype，覺得一位稱職的女性一定要有美貌，又要懂得入廚。

見到哪些美少女仲攪笑，蛋都未識煎就出來參加美少女廚神。我一看她們落蛋既時候就知道雞蛋一定會痴底。我都係用不秀鋼既煎pan的，如果要唔痴底個pan就一定要夠熱。哪些美少女，一黎就落油落雞蛋，唔好話拋獲，鏟都鏟唔起隻雞啦，甘失禮仲有面參加美少女廚神，真係勇氣可加~!(看過好多集，好多位美少女都雞手鴨腳，都唔知係咪真係識煮)

看呢個節目最令我感受到既係，原來現新一代女性，真係唔多識煮飯。(嘿，以我甘既年紀，真係算好好:P)不過我都知道當住大家面前煮飯係有壓力的，我自己都唔喜歡給人看住煮飯啦:P

呢個世界永遠都係一樣，唔係要考你有幾叻而係考你how well you can perform under pressure。