1996 - 2008
Happy，欣欣好掛住你。希望你可以投胎，將來再做一家人。Happy永遠都會留係我心入面，我永遠都會甘錫你，唔會忘記你。Happy你要保重喇。
(我覺得好辛苦，好痛，好唔捨得阿。)
| ■X 07 |
|
|
今日比昨日更心痛。我最錫最愛既Happy淩晨時份係睡夢中突然走了。Happy真係好乖，成世仔都無曳過，就連走，都聽我地話，無痛苦地離開。其實呢個離開方法，係我地最想既，但我依然都好傷心。Happy還差一個月就滿十二歲，陪伴了我們家十一年多，真的很不捨得他。其實他真的不算長命，很多pug都可以養到十五六歲，點解要甘早離開我地。
1996 - 2008 Happy，欣欣好掛住你。希望你可以投胎，將來再做一家人。Happy永遠都會留係我心入面，我永遠都會甘錫你，唔會忘記你。Happy你要保重喇。 (我覺得好辛苦，好痛，好唔捨得阿。) |
|
■ X 06 |
|
|
話說專員要把我們的project大改革，將要有一批同事要過中環返工，如果同事不願意，就要被抄。我原本不在名單之列，將會留守太古坊一個很有前途的部門，但我卻被出賣過中環。
我是一個新人，亦沒有辦公室政治的經驗，當然很容易上當。就係甘department head就幫一個女仔巧取豪奪了原本屬於我的head count。我好唔開心，基本上無人開心，士氣極度低落。 我很沒用地落淚。我唔開心唔係因為要去中環，而係被人騙了。算啦，塞翁失馬，焉之飛福。全公覺得司都知道咩事，而且那個女仔有點無面見我。希望過到中環會有新發展，而且又可以跟返當日請我的上司，其實都未嘗唔係一件好事。 |
| ■X 02 |
|
今日有點頭痛，下午都留在家中休息睡覺，但都睡不著，天氣好像好熱。究竟是我發燒還是天氣熱呢？
 晚上就同家人去了tst王子飯店食晚飯。 |
|
■ X 01 |
|
|
今日雖然係星期六，不過我都有返工(自願的)，為的當然不是一陪半的人工，而是繁重的工作量。今日的進展都幾好，終於都清完四十多個emails。星期一返工應該會好好多，可以追返d back log。
原來我要handle一百七十多個accounts，希望可以快d清到它們，為公司減低危機。千萬唔好再爆更多account出來，不過我地銀行看個市就唔係甘樂觀，外匯應該未甘快穩定。 我覺得我人生第一份工就甘辛苦甘有挑戰性都係好事來的，一來真的可以見下世面，見證下大時代，二來可以磨練下，先會學到更多野。三來呢份工的好處是可以鍛煉英文。現在講英文的機會比起以前在加拿大還要多呢。寫就更加多，不過我盡量都寫得精簡一點，否則無可能reply全部emails。 雖然我們忙，但都做得好開心。同事之間相處好開心，好似一個大家庭，完全沒有爭鬥。忙碌無所謂，最重要做得開心嘛。 人工方面，因為OT，薪金增加了35%，都咪話唔誇張。  至於食方面，就外賣多喇。 |
| ■X 31 |
|
|
外匯波動利害，公司都很緊張，特登從歐洲掉來一個特派專員。名義是過來幫我們的，實情是來找出我們的問題。公司都很擔心現在的經濟環境，不過對我們的support卻不大，遲遲不增加人手，卻掉來特派專員要我們倒過來應酬她。特派專員一來到就想改革，但她實在太ideal喇。我們逼切的問題是在短時間裏有大量客人需要我們去處理。現在並非提高system效率或改革的時機，說到我們要OT是因為過程有問題真的破壞士氣。
其實我們一向都有差不多的流程，但突如其來的經濟影響導致工作量大增，才出現不夠人手處理事件。好彩她很認同我們不夠人，更揚言要double我們team的人手。呢個建議都是好事，但經濟穩定的時候，那些請回來的人又點呢？
我們的忙碌程度相當可怕，我放lunch前已經接到八個電話，一日reply 60-70個emails，真的人都顛。我逼不得意更set了auto reply，希望客人明白我們不能即日回復email。真的希望特派專員會為我們爭取到更多人手啦。 她說她也是credit出身，也做過margin call，但現在的情況不同嘛，我們的不是說斬就斬，不論站在銀行或者客人的perspective都不想行呢步，斬了對銀行都有害啦。我們只是追差價而且，又不是客人拖數。呢點她根本不明白。今日開會後，大家都有點生氣。她的計劃不是不好，某一些建議長遠是可行的，但現在我們的工作量又點配合到改革呢？ |
|
■ X 30 |
|
今日公司請食pizza hut，慶祝drawn down破紀錄，但好笑既係無講究竟有幾多係要margin call。哈哈，不過唔理啦，有得食就食。
 好難食，好咸，好"漏" |
| ■X 28 |
|
|
同事都叫我馬拉公主，或簡化叫公主。很多同事都忍不住問我是不是mix，他們覺得我不似中國人啊！我直接問，是否覺得我似馬拉菲律賓人啊。哈！至於公主，同事說我高貴斯文窩。我覺得是打扮問題。我最愛穿連身裙，舒服方便又大方。哈，現在返工喇，大個女，當然要高貴打扮啦。另外一個原因，他們說我談吐文雅，不像現代人。我都覺得係，一來我注重發音，二來我不說潮語。我不反對別人說潮語，年代改變語言也跟隨改變是很正常，但我自己就不會，總是覺得不太好。
同事們很nice，也很愛說笑，經常都拿我來開玩笑。別人生日，但說由我代接香吻，老細立即說"你就想啦"。他們當然講笑，但我就經常成為口花的對象。 |
|
■ X 24 |
|
|
最近我的工作十分十分繁忙，工作壓力十分十分大，每日都朝九晚十。就連我甘新都assign d 客人比我handle，而且係我獨立handle我自己的客人，同客bargin，追數追過百多萬都是平常事。雖然有OT計和可cliam的士，但真的好辛苦。
我的工作量絕對受外匯影響，第一浪係Lethman Brothers倒閉，跟住就是三星期前澳元在一天下跌9%，還沒有處理好之前兩單，現在英鎊跌至12.5對港元的新低。一切都來得很急，真的忙到癲，我們全team人都活在昨日，只能回復昨天的email，客人又不斷打進來，導致無法工作。現在講英文的機會比在加拿大還要多。我們的客人全部都是外國人，有些甚至要來公司見我。我完全沒有見客經驗，當然叫埋帶我出身的sinior啦。她很好人，肯陪我去。今日見了一個國際學校的老師，他很好人。另外一個會星期一見。呢個我有點擔心，因為電話中他都很緊張。唔知客人會否覺得我很細路女呢？哈哈 唉，每日都甘忙，真的人都吽曬，雖然人工多左(因為OT)，但呢份工作對於我一個新投入工作市場的我真的很有挑戰。  等的士的時候拍攝的 |
| ■X 16 |
|
今晚開OT，沒有回家吃晚飯，不過放工後有大閘蟹做宵夜。正!
 不喜歡吃蟹的我都覺得好味道。嘿嘿 |
|
■ X 12 |
|
今日我買了一部新的mini lap top，型號係lenovo ideapad S10。我買的是很可愛的粉紅色。(其實只有白色和粉紅色，而且只有粉紅色有現貨)。我喜歡呢部電腦體積小，帶出街都好方便，而且已經可以滿足到的所需。基本上我用電腦來上上網和寫日記，其他function都不重要。
 我和哥哥的新電腦 粉紅色的是我的，白色是我哥哥的。 不同型號，但功能差不多 |
| ■X 01 |
|
終於有個假期可以返中山探望我個寶貝Happy仔。呢次係我返工以來第一次探Happy仔。我昨晚一放工就趕去TST搭船去中山。Happy仲來碼頭接我船，他精神好好，好精靈啊。
 Happy係咪好開心呢。 |
|
■ X 30 |
|
|
今日係dress special day,我公司都有個比賽，看那個部門著得最特別。我個department算係簡單，只係著黑色衫加個牛角。有些department著睡衣，有些就著球衣，不過最厲害就是HR，全部人扮小矮人，最後他們當然深勝出啦。
大家看看我的造型。嘿嘿！ |
| ■X 26 |
|
|
今日放工約了同事一同去探望我剛剛生了baby的上司。她很好客還留下我們在她家吃飯。她的陪月廚藝了得，食物的賣相和味道都跟餐廳的一樣好。
哇，我上司的baby好高大啊，只是一個多月，但身體就好長，而且體格都好結實，已經可以打直抱，相信他將來一定高大威猛。我上司還笑言照顧小朋友很有樂趣，叫我們早D生番個。結婚生小朋友對我來說都很遙遠，不過我就答應我上司，將來我一定會生的(如果有得生的話)。 |
|
■ X 22 |
|
|
今日係Hubby生日。我真的好掛住Hubby，好想同他過生日，但分隔兩地，又可以點慶祝。今年生日都好平淡甘過，不過當然都係開開心心啦。我買了一個袋寄比Hubby，另外附上小禮物一樣。哇，呢個sweet到漏，難得Hubby說會用。嘿嘿。
買袋的時候我還擔心袋會太大，但竟想不到Hubby居然放不下Hubby的書本。唔怕啦，明年Hubby返香港，我再送過給他，不過送的會係公事包喇。好期待我同Hubby的將來。 Hubby我們的目標越來越近了，我們要一起努力啊。生日快樂！ |
| ■X 20 |
|
今日我家的印尼姐姐整了她家鄉的甜品，他們會在齋戒月吃這個甜品。原來呢糕甜品跟我們的西米露差不多。都幾好味窩
 印尼甜品 |
|
■ X 19 |
|
又有下午茶食，好開心啊。在這裡工作，真的會越來越肥。今次係公司請，所以野食當然都貴一點啦。細細件蛋糕都要$20一件。嘿嘿，我地每人都叫兩件+一杯野飲。同事們之間當然不會甘狼，但公司請就個個都唔客氣。
 我點了一款草莓味，一款芒果味，飲品就係紅豆味。正~! |
| ■X 18 |
|
終於都明白點解火車上會有叫人不要坐在地上的提示，原來真的有人這樣做的。我看見都覺得好出奇(我都知道影人相吾係幾好)。香港真的越來越大陸化了。以前我見過一男一女share一個位坐大腿添，個次覺得仲噁心。
 真係旁若無人 |
|
■ X 16 |
|
公司經常都有同事請食下午茶。今次就因為某同事升職，所以他請成個department食下午茶。因為今晚我要OT，所以就叫了樣比較飽肚既。
 呢個芒果豬扒包都幾好味架。 |
| ■X 14 |
|
今晚做節，可以一家人齊齊整整吃飯，好高興啊。晚飯後食月餅，水果和賞月。好滿足，不過如果有Hubby陪我出街玩花燈賞月就更開心。究竟我幾時先可以有返D拍拖的生活呢。
 豐富晚餐 |
|
■ X 13 |
|
今日我們三兄妹去shopping。我買了條黑色秋裝連身裙，嘿嘿，好高貴架。今次我好叻，係甘二問有無discount，老闆娘就平了一百元給我。不過條裙都要$580，都幾貴啊。另外我買了羊仔圖案的水杯，係公司都可以倒物思人。嘿嘿。(其實本身我無打算買杯返公司用，每日都用即用即棄最方便，但我好喜歡呢隻杯)。
 打算留在公司用的小肥羊杯:p 我姐姐買了對日本鞋，幾靚幾特別，不過都幾貴。而我哥哥就買部小手提電腦。三千多元，好低啊！買部電話都唔得啦，我都心動想買返部。返工放工既車程都可以寫日記，究竟我買唔買好呢? |
| ■X 12 |
|
今日香港區一高層請食雪糕，全公司都有，包括中環那邊。嘿嘿，個個都好開心。我就選了最普通的口味。下星期五有另一高層請食cake和drink。仲大手筆:P貪吃的我好期待。
 下午茶：雪糕 |
|
■ X 07 |
|
|
話甘快又中秋，雖然今年我好忙，但我都有親自整冰皮月餅。有無時間都係自己安排。今年我仲整埋俾同事食，他們都話Good。哈，我好開心啊。希望Hubby可以快點回香港，將來整給他吃。^^
|
| ■X 03 |
|
今日飛開所有男同事，同一位女同事吃午飯，然後我們去shopping。哇！好開心，買了條秋裝連身裙。
 我的午餐 |
|
■ X 30 |
|
今日同家人去東平洲和吉奧參觀，哇好曬好熱阿，不過都好開心^^
 很美的東平洲和吉奧風光  船上的我  海鮮餐&茶果 |
| ■X 24 |
|
今晚沒有出街，要留在家看奧運閉莫。工人又放假，所以我就親自為家人下廚。(基本上只有我哥哥和姐姐在家，父母因?地工人放假，所以要留在大陸看住Happy)。Hubby說我現在很少下廚，怕我廚藝會退步。退步真的不出其，但學懂的東西又點會忘記呢!我有信心，我煮的東西一定不會難食。
 今晚整了凍烏頭，蓮藕豬肉，菜，還有湯。 |
|
■ X 22 |
|
|
今日打風不用返工，可以放假一天。其實昨天我們一班同事早就預計到今天會打風，所以一點都不surprise。同事們非常留意天氣報告，早在星期一我已收到打風的消息，到星期四，他們還不斷forward天氣的消息。昨日放工前，IT主管還叫我們把outlook的setting改成out of office。告訴客人我們因打風放假，要星期一才能回復。哈哈。
放假的感覺很有我在加拿大的感覺，我整天都留在家中看電視。很久都沒有呢個感覺喇。 今日的風好大，覺得好恐怖啊。海面上有白頭浪，樹木又左搖右擺。好彩我家向東，所以這次的西北風對我家影響不大。真得不能想象在街上會點，太危險喇，我一定不會出街的。 |
| ■X 17 |
|
昨日我買了指甲的貼紙，塗上甲油後，貼上花紋貼紙，再塗上保護油，就好靚靚喇。我媽咪一向都有做開指甲，所以她對圖案的分佈很有了解，她很有心機搬幫我貼的。
 靚嗎？我自己就好滿意。 |
|
■ X 16 |
|
|
下個月就係Hubby生日，我開始要物識生日禮物給他。 係香港shopping真的有很多選擇，而且又靚又便宜。我好快就選到想買的東西。希望Hubby喜歡和適合啦。雖然是Hubby的生日，但Hubby也說要買我禮物。哈哈！有排都未到特別節日窩！Hubby和我都覺得，送禮物和收禮物都同樣開心。
嘿嘿，禮物相就遲D先登出來啦！我只等告訴Hubby，這樣禮物可以平日用，回來香港的時候也合用。哈哈。Hubby，你比心機繼續估啦。 |
| ■X 14 |
|
我公司真的每個月都有活動似的。今晚公司請食buffet，我們一班同事去pacific place某間酒店食晚飯。有好多野食啊，有原隻龍蝦，魚生，生蠔，海鮮，肉類，燒烤，沙拉，甜品，應有盡有。味道亦不差。我最愛當然是甜品啦，甜品都有好多款。我自己就食甜品食得最多。今晚我都不算食好多野，我怕肥嘛。
 哈，我唔好意思不停影相，影得呢張交差詐！ |
|
■ X 10 |
|
工作了已經兩個月，每當看見銀行裏的進帳，都覺得好有滿足感，好開心。我當然會跟最愛的人分享我的喜悅，而Hubby是其中一位。我人工低微，所以就只能affort小禮物，好彩Hubby都鍾意我的小心意，他還覺得很合用呢。
 小禮物：mouse pad和立體書簽 |
| ■X 08 |
|
|
中國的奧運開莫禮真的很精彩，每個環節都目不暇給，可以說是眾多開莫禮之中最好的一個。中國當然覺得好驕傲，我也看得好開心。
不過開莫禮就給了我另外一個印象。我覺得其他國家並非做不到這樣隆重的開莫禮，只是覺得是否值得，有沒有需要做到甘。講真，奧運對好多國家來說雖然重要，但並非像中國般可以不顧一切。(例如逼走居民，趕走工廠，不計成本。)中國對奧運既重視，可以說世界第一。可能中國因為近年才冒起，所以自卑，一定要趁奧運威返次。開莫禮給我的印象就像中國的爆發戶一樣，點到一臺名貴菜式，吃不下不重要，價錢貴不重要，有沒有需要亦不緊要。最重要係好睇。感覺是"我有錢啊，點啊?" 最令我覺得可憐的是那位莫後代唱的小女孩，這是亦symbolize了中國是注重外表的國家。只要表面好，背後係點根本不重要。代唱本身沒有問題，問題出在沒有即是介紹代唱的小女孩，這樣很不公平。 我覺得可以令中國驕傲的，只有人的質素(希望將來可以)。喝倒彩，用閃光燈影響其他國家的參賽者，大叫去打擾他人，自己是中國人都覺得掉臉。點解要甘做呢？贏都不覺得光彩啦。那些觀眾真的多此一舉，以中國的實力，又點需要做埋呢d事。可能價值觀不同，從來都不覺得窮會無面，只有無品才覺得失禮。 雖然我不覺得有咩甘驕傲，但真心替中國高興，可以成功舉辦奧運。 |
|
■ X 02 |
|
今天晚上我穿起五年前買的兩件頭泳衣去了club house游泳，很開心五年來的身型沒有大變，只是我比較以前肥了一點點。我今日游了一個半小時，游得好開心，希望可以達到減肥效果啦。我希望可以每個星期游泳兩次，但一定要準時放工才可。
 游泳池，不過我夜晚先去游水，我怕曬嘛 我發覺做運動後的面色好左，好希望我可以養成運動的習慣。 |
| ■X 01 |
|
|
今天開了兩個會，我開始感覺到工作壓力。我要努力啊，要做好開會前的準備。我最緊經常發夢想著公司的case。現在一個星期會開會兩次，很怕被人問及進度。其實我一直都有跟進，但客人不合作我都無辦法，唯有再做好一點。
開會當然用全英文，外國人上司今天會返英國，所以我們今天要連開兩個會。下星期很怕放工時間會晚一點，因為要就返英國的時間開會，五點先開始開，如無意外最快都要六點先開完會。開會真的很費時，減少了我們的工作時間，好多野要做架嘛，看來我要快手d。 今晚晚上有"篇幅"飛入屋，嚇到我又叫又跑，最好打電話去管理處，叫人上來組catch它，不過管理員上到來的時候篇幅已經不見了。晚上我去開哥哥的房間，又發現一隻篇幅，好嚇人啊。在中國的觀念裏，"篇幅"是吉祥物，有"篇幅"入屋是好意頭，希望是真的啦。 |
|
■ X 31 |
|
|
今天是公司一年一度的value and behavior (Team building)的日子。因為活動可能包括一些movement，所以我們可以穿波鞋牛仔褲返工。今日只有上半天工作，下半天就由公司安排的車接送我們百多名員工去西貢淺水灣的一個戈爾夫球會進行下半天的活動。這裡的環境真的很美呢。活動包括有一個自助午餐，三個遊戲，和一個燒烤晚餐(晚餐是optional，可以選擇不出席)。
相信今天的費用都不少，我們的活動由team building公司安排，又有兩餐buffet，我公司都算大手筆(不過對公司來說很少錢者)。  一些花絮 活動都幾有趣，而且達到相信自己，討論和合作的目的。我覺得最有趣的是起橋的一個環節。因為我公司是世界性，很多國家都有branches，所以很多時候都會要同其他國家的branches合作，跨地區的合作真的要講求溝通，信任和合作。 我們要在指定的時間與另外六teams人合作起一條橋。我們每team五個人，分開擔任不同部門。我們六teams人會分段把橋完成。當中只有兩與其他teams開會兩次，所以要好好溝通才能把橋一一接博好。橋要我覺得活動很像中學時候活動啊，其實都不需要由team building公司安排啦。 我們的橋成功讓模型車經過，不過就贏不到總冠軍。 |
| ■X 29 |
|
今日天氣好好好差，放工的時候一出building就有一種窒息的感覺，吸入的空氣好像不夠維持呼吸一樣。我感覺到世界末日的來臨，香港快會變成不能住人的地方，真的好可怕。現在內地珠三角的工業受到政察和人工上升問題開始北移，希望我們的空氣會得到改善啦，不過北面的國民就慘了。
 幸好家住在新界，根據報告， 我家的位置是全區空氣最好的地方， 所以空氣都還可以。 |
|
■ X 27 |
|
今日去了機場附近的博覽館看狗展，我好開心可以見到好多狗狗，包括很多八哥犬。哈，講多無謂，都係登相啦！哈哈
 好多好可愛狗狗 之後去了九龍城的金寶食晚飯。聽講呢間食泰國菜好出名，不過我就覺得明過於實。  好多野食 |
| ■X 26 |
|
 今日同媽咪去Pizza Hut食下午茶，其實Lunch Time我和同事一直都想去食，Pizza Hut新推出的常餐真的又便宜又吸引，但無奈Pizza Hut經常都大排長龍，所以一直沒有機會。雖然今天食的不是常餐，但這裡的下午茶都很吸引啊。  |
|
■ X 25 |
|
|
今日好驚啊，個客無啦啦上黎公司指定找我，我都被嚇一跳。一來我職位比較低級，二來我做的是內部工作，就算經常接觸客人，都只在email或者電話上，大部份客人又在外國，所以就算接見客人，通常會由RM負責。不過我的RM又放了產假，客人又指名道姓地找我，我唯有一個人硬著頭皮出去。
今天我接見客人的技巧不夠好，我完全忘記了帶客人進入會議室，卻由他帶我坐在正門的椅子上。哈，下次我會記得帶客人去會議室。今天的客人是外國人飛機師，好彩靠記憶我都記得他是誰。當同事告訴我客人來找我，我完全不知道門口的客人是那位客人，所以完全沒有準備。好彩最後都順利完成，(我盡量表現得有得輕鬆有禮架喇)真的有驚無險。 |
| ■X 23 |
|
我一個星期返五日工 ，通常我都會帶三日lunch，出街食兩日飯。帶飯有個好處，就係可以留係公司同Hubby傾電話。我每日都有一個半小時lunch hour，食完飯都仲有好多時間傾電話。至於出街食就係唔想做獨家"川"，都要同同事多d溝通嘛。其實我自己較喜歡留在公司食，因為時間會比較鬆動，可以上下網看看報紙，休息一下。我公司都block很多網，但基本上我工作的時間非常的忙碌，完全沒有時間上網玩msn。我最多都只是用手提電話log住個msn，但不能聊天，最多最多都只是回復Hubby兩句。
 我出沒的吃飯地點通常都是delifrance，food court，偶然會去餐廳。我這邊有很多選擇呢。我常被同時說要照顧我，他們更不帶我去茶餐廳吃lunch，他們把茶餐廳形容得好可怕呢。 |
|
■ X 19 |
|
今晚七點半，我們一行二三十人一同去TST碼頭上船去釣墨魚。今日天氣好好，海面風平浪靜，我完全無頭暈，(本來我都擔心會暈船浪)。今晚很好玩，不過我就完全無收穫，一條墨魚都釣不到。C小姐非常厲害，一個人釣到兩條，而R小姐亦分別釣到兩條魚仔。我本來都釣到一條大魚，但魚絲不夠力，我拉不到它上來，最後給它游走左。我們總共只釣到大概十條墨魚，收穫很差啊，但我們都只享受個過程，釣到只是bonus。
 香港的夜靚好靚(拍於TST碼頭)  R小姐，我，C小姐，H小姐，F小姐和A小姐 |
| ■X 18 |
|
今日係我上司maternity leave前最後一日，我們整個department一同去飲茶。因為太多人，所以要分兩張檯。我們呢檯認真厲害，竟然吃得下39個點心。見到別人食得開心我都覺得開心。另外那檯女仔多，所以只點了23碟點心。最後先由一位sinior同事先埋左兩張單，然後返到公司先夾返。
 好多好多點心啊! 今日上司請食下午茶，又有另外一個sinior同事離職請食donut，於是我就點了一杯珍珠奶茶。係呢度返工有好多野食啊，好快變肥妹。就算沒有下午茶，我公司的pantry都有好多野飲添，有兩部野飲機，咩都有得飲。Latte， cappuccino，espresso，mocha，好立克，奶茶，菊花茶，可樂，玉泉cream soda。我開始已經變緊肥妹！ |
|
■ X 17 |
|
今晚約埋中環的同事吃晚飯。好開心啊。我同另外一個太古坊的同事去中環公司找她們。因為他們未走得，所以就落街行下。同事就介紹我去做高跟鞋。原來中環公司後面有兩間做高跟鞋的鞋店，遲D等我去下先^^。之後我們一同去了Soho吃晚飯。我們去食意大利粉，之後去Haggen Dazs食甜品。今晚又開心又飽飽。
 好豐富阿，而且又靚又好食! |
| ■X 15 |
|
|
今日分別有兩個人話要照顧我，其實係咪我細路女，所以需要人特別照顧呢？係工作既地方比人覺得我需要被照顧，是否不是一個good sign?
今日我忘記帶lunch box，所以就同同事出去食。(其實一個星期我都會跟他們出去食兩日飯)。我個team男多女少，今日一位女同事又剛好約了人，所以就只有我同男同事們去吃飯。外出吃飯時，我上司交帶男同事要照顧我。我當然立刻說我大個女，不需要人照顧，但上司笑說她比我大很多，在她眼中我很細。  今日去了太古城food court食lunch。 另外，中環同事將會舉辦釣墨魚活動，所以叫埋我。於是我就叫埋坐我後面的女仔一起去。她也認識中環的同事，於是就打電話給中環同事。中環同事竟然說，好啊，可以照顧Yenny。 一日連續比人說要照顧我兩次，問題一定出現在我身上。我覺得可能我shy，而且性格細路！其實我大個女架喇! |
|
■ X 13 |
|
今日同 家人去了飲茶，之後就去西貢的海濱長廊散步和看狗狗，不過今日天氣不太理想，落住毛毛雨，所以狗狗的數目很少，但出奇地有多過10隻八哥犬。我見到甘多八哥當然好開心啦。
 好可愛的八哥 |
| ■X 10 |
|
今日有個visitor請"曬"全公司百多人食蛋糕，每人一件cheese cake。好大手筆啊！
 我快快手係公司影張相， 不過手震影得唔係好清阿！ |
|
■ X 09 |
|
|
我公司每兩個星期會有一個lunch training，由公司既sinior教既，等整個credit都對呢各部門有多d概念。公司會出錢幫我地叫外賣，吃飯後就會上堂。上兩個星期學看tax return既文件。因為我們的客人有的在美國，英國，Singapore，香港，日本，很多其它地方，所以所有tax return都要學下睇，學下咩情形要特別主意。
今日就學睇valuation report。處理呢D文件要特別小心，因為絕對影響銀行批loan。雖然我未要處理呢d文件，但都要好好溫習下，我發覺自己真係咩都唔識。 |
| ■X 08 |
|
|
今日我好開心啊。我返到公司，如常地check email。今日有個客係email讚我啊，仲cc埋比我上司，嘿嘿。我返工第一日開始就已經攪呢個客既case，今日終於埋尾，所以個客人就講：“May I take this opportunity to thank you for your excellent communication and service. I am pleased to have you to handle my case.” 呵呵！雖然呢d說話好普通，但我就已經好開心，覺得好有滿足感。之前都有客人讚過我，但因為那個時候我接手左個case唔係好耐，所以就覺得他其實讚之前個女仔。
今日幫個客整裏呢個客的資料，哈，他的護照相好攪笑，有D似Mr. Bean架。:P |
|
■ X 06 |
|
今日同一班同事去愉景灣，我上司既上司的屋企開farewell party。我上司將一個星期後開始放產假，所以大家就為她攪個活動。我上司的上司是英國人，所以我就係呢度稱呼他為西人上司。西人上司十分好客，又愛下廚，所以自告奮勇地請我們到他家中作客。他愉景灣的屋企二千多尺，好大啊，而且遠望中環境。今日我先同同事去東"沖"的outlet行街，不過都無買野。
 西人上司家中的狗狗好可愛啊  好多野食啊！ |
| ■X 05 |
|
|
今日去了電頭髮，效果都ok，不過個過程就好rough!!覺得自己比人poorly treated!!我講既唔係staff既態度，而係個電髮既手勢。不過算啦，最緊要效果都滿意就算喇！
|
|
■ X 04 |
|
|
今晚放工同友人J去食晚飯，主要係想多謝她介紹左份工比我，so far我都做得好開心^^。她帶了我去茶餐廳"guer"扒。我不能吃牛，所以點了羊，都好好味阿。她給我介紹工作，我都介紹醫生給她脫痣。其實我都介紹了不少人去架。晚餐之後我們去了銅鑼灣行街。我買了條裙，不過事後覺得有點後悔，覺得唔係好靚，但都ok既，都可以著。
今日身體唔多舒服，係公司食左粒藥都無咩用，最後都要再食多粒先好返D，真辛苦。 |
| ■X 02 |
|
 電梯大堂的海景 返左太古坊已經一個星期，不過今天放工才發現原來等電梯的位置都可以看到海景。之前一個星期落雨落唔停，日日都天黑黑，所以無留意到。原來這個方向的海景都好靚，不過我公司裏面看海景的位置更正面啊，但怕醜的我唔好意思走過去影相啦。 |
|
■ X 01 |
|
我grandma星期四將會去美國半年，所以出了糧都來不急weekend請她飲茶，趁今日公眾假期就特登去了美"呼"，等定位然後請grandma和姑姐姐飲茶。我們四個人點了八個點心，埋單都不用二百，嘿嘿，真的就返我呢個低級職員。:P
 其中一樣點心 之後我仲陪gradma去買送，再去grandma家坐一陣就走。之後我同姐姐去行街解，買了一件衣服和一點內衣。今日大收穫，不過大出血，:P嘿嘿，無所謂啦^^ |