| ■X 27 |
|
|
今日credit既大上司請飲茶，叫"曬"我地個department飲茶。一行二十多人去飲茶真的很熱鬧。雖然我們有訂位，但都要十多人逼一臺，最後分開一臺大人一臺小朋友(大人是sinior一臺，小朋友是junior)。至於大上司特登同我地呢班junior一臺，說要多了解我們年輕人。我做的department大多都很年輕，真的很有返大學的感覺架。
話說我的department有4J。4J代表四個J字頭的男同事。他們有這個稱呼不是因為靚仔，而係因為他們都很大食。我們這臺不但點了很多很多點心，更點了四碟炒粉麵。我都係第一次飲茶食甘多野。哈哈！ |
|
■ X 25 |
|
|
昨晚已經八號風球，其實我都預計今早個風球未落，所以七點鬧鐘響起，我就立刻開電視，結果真的依然八號風球，我當然返上床繼續訓。昨日上司已經同我講左，如果落風球要返工，公司規定上司要打電話比所有同事，所以我都訓得好安心。我訓到十點已經覺得好夠，不過風球依然未落。係呢一刻我當然希望十二點後先落風球啦，但當然未能如願，政府都不想有太大的經濟結lost嘛，果然十一點三就落風球要返工。
我公司真的很自由，每日都有一個半小時lunch time，而且自行選時間放lunch。打風又沒有像其他公司一樣要兩小時?返到公司。我上司叫我不要急，within reasonable time frame就ok。其實兩小時要返到公司我覺得不太合理。住得近當然沒有問題，但住得遠就好趕。好似我甘，係屋企好快甘食個麵，返到公司都已經一點二十五分。打風後大家都同一時間返工，所以會比平常更逼人，而且天氣差又落大雨，交通都特別塞。好彩我公司好:p。 |
| ■X 23 |
|
|
今日第一日返太古坊，公司好大，有兩層，又有好多同事。之前教我野的女仔都係呢邊，她很好人，很照顧我。她帶住我四處走介紹我給其他人認識，又帶我找文具，洗手間，pentry等等。呢邊既office仲望到好靚既海景添，不過我個位就不在窗邊。
我返Quarry Bay比返中環遠一點，我的上司知道我住得元，所以都好considerate。?我由原本朝九晚五改成朝九點半至五點半。其實係咪都唔會五點走，可以遲半小時返工都好啊。我通常最早都六點幾走。當然我都可以準時六點走，不過覺得唔好意思，而且真的好多野做，好彩OT都有錢！ 今日午餐我和其他同事行去太古城食。哈，又有好多同事係溫哥華返來。大家講起加拿大都好開心。好開心我可以找到呢份工，雖然都覺得有壓力，不過真的好開心。 |
|
■ X 20 |
|
今日我收到個消息，原來我上司將會下星期開始調到太古坊的office。(太古坊那邊的office比較中環的office大，有百多名同事)，我的上司很好人，她會帶埋我去，不會把我留在中環。一來如果我留在中環就會變無主孤魂，無人理。二來太古坊這邊較大，exposure好d。講起上司，她真的對我很好，我初出茅廬，當然偶有出錯，不過就從來都無話過我一句，仲好appreciate有我幫手。我覺得自己好幸運，順利找到工作，又有個好上司，而且同事們之間都好好添。
 星期五在中環公司 今日放工後和同事happy hour，不過我就無飲酒，我點了berry banana smoothies。我上司因為大肚，所以和我一樣點沒有酒精的飲品。今日上司的上司埋單(其實出工數)，不過他趕著走所以叫外國人同事埋單。  公司附近飲野， 不過外國人上司早走了 |
| ■X 19 |
|
|
今天真的有點生氣。我每日都九點鐘要返到中環的公司，所以每日八點多就在逼地鐵。呢段時間一定很逼人，今日我被人成機博懵。其實我都知道地鐵好逼，好難肯定對方係有心博懵，不過他實在太離譜，完全把下身壓過來我的大腿(我則則地對住他)，我完全feel到他，都唔好話唔恐怖。之後他用"睡"下的手背貼住我的下體，我真的沒有後退的空間，我唯有用自己的手格在中間。
我實在太怕事，沒有叫(事實上真的很逼)，亦沒有好惡地望返他。唉！壞人都係會選怕事的人下手。 |
|
■ X 15 |
|
|
我的department不計我上司的上司，有兩個外國人同事。我們工作的時候都好casual。可以聊下天，又可以叫下外賣返公司食。(我公司係一貫外國公司的形式，講求自動自覺，empowerment)。今日其中一個外國同事就和大家一起聊天，但因為我是新同事，所以主力都同我傾，其他人都有搭下嘴。當外國人同我傾的時候，我的電話突然響起，原來是我上司致電給我。她說和那外國同事聊天就沒有所謂，但她強調地對我說他不是好人。哈！我想我的樣子實在太單純，所以我的上司擔心我會被那外國人同事騙。
我的上司真的很好人，從來都沒有話過我一句(我當然有做錯野啦)，而且又關心我。第一份工作就遇到好上司，真的覺得自己好幸運。我上司是一位?媽媽，雖然她大住肚，但依然十分苗條，而且幾靚女添(無化妝架)。 |
| ■X 12 |
|
|
返工接近一星期，開始習慣返工的生活，而且個個同事都好好人，好開心。工作都開始上手，不過偶然都會有做錯野。今日更犯下大錯。通常我地收到客人的單或支票都會scan低留返個copy，然後才pass去其他department。今日我把客人寄回來做security top up的單及支票一同scan，但結果jam機，我第一時間發現支票不見了。我當然趕快告知上司，最後我們連同另外兩個女仔一起撩返張支票出來。真的嚇死人！
我不會忍暪自己的錯，最重要係要攪返好件事先。現在我做野都會警惕自己小心d。 |
|
■ X 08 |
|
|
突然間要我返工，所以我都無咩返工衫。今日趁weekend，主力就要買返一些返工衫。雖然我做銀行，但我主要做內部工作，所以不需要著套裝，smart causal都可以喇。今日我係G2000買了三件short sleeve shirt共$600，去Cour Corre買了條半身裙$6xx，去Jessica買了一條半身裙一件針織共$1200。今天真的大出血，不過都好像不太夠著，或者遲再買啦。我公司逢星期五就casual day，都可以著少日返工衫。
|
| ■X 06 |
|
|
今日係第三日返工，教我野的同事聽日將會調到另外一個office。我很擔心我幫不到手，自己都有比自己壓力。今日係公司，有一個平日工作上有聯絡，但無見過面的同事打比我(我公司有兩個寫字樓，一個在中環，一個在Quarry Bay)，他對我說之前email給他的東西不在他的部門做的，我當然說唔好意思，他之後說了很多的安慰說話，又教我好多野，他真的很好人，不過就攪到我好想哭。不過我都極力克制，當然不可以哭啦。
我公司的同事個個都很好人，Lunch時，我們講起，原來他們全部都在外國畢業，不是美國便是加拿大。講起我從加拿大回來，其他加拿大的同事都很開心。有一個Quarry Bay的同事(未見過面的)更打電話給我，說又多一個加拿大的朋友。原來他和我讀同一所大學，又是讀經濟的。我說我們有可能在學校見過面，不過他說應該不會，可能他大我好幾屆。哈哈。他都很好人，知道我是新人，經常都會打電話過來remind我。 P.S.我公司有兩個office，一個在中環，一個在Qurry Bay。Quarry Bay那裏比較多人(百多人)，我這邊就只有大概數十人。 |
|
■ X 04 |
|
|
我終於都大個女喇，今日第一日返工。我人生第一份工係係一間英資的private bank做，係世界好多地方都有分行。
今日有好多好多野學，有好多好多野要記。教我野的女仔三日後就要調到另外一個部門，我將要係三日內學識我工作範圍既事，所以我覺得好大壓力啊。今日首先學下公司用的programs，(都好複雜下，有兩個電腦兩個keyboard。一個internet一個intranet)，然後學文件既程序，然後學下計數(interest,exchange rate,LTV等)，最後就回復客人的email，必要時候亦要打電話比客人(主要係外國客，所以要計返個時差)。我既工作主要係幫客人解決security top up既問題，提供proposal給客人。 我覺得可以係國制既銀行做，真的係一個好好的經驗，我不但學到工作上既事，亦學到大公司的制導。真的很感謝J小姐的介紹。 |
| ■X 03 |
|
|
今日係我人生第一次見工，吸收了朋友的意見，我盡量放鬆和保持笑容。點知道見工的情況好簡單。見我的人是我現在的上司次，她一進來就向我講解工作範圍，咩都無問過我，只係傾下閒計，而且最出奇既係竟然用中文。之後她出去叫了另外一位女職員進來見我。另外一位見我的人最初用中文，然後用英文，但只是講了兩句(真的只有兩句)就轉返中文。第一位見我的女人終於返來，問我幾時返得工，我咪話隨時，點知道她就叫我聽日返工。真的估唔到，我人生第一次見工竟然成功左!唔知道係我好彩定係雇主唔好彩。哈哈。暫時為止，我人生見工的成功率是100%。
其實呢份工對我來講都算理想。一來係內部工作，而來係我想做的行業。我工作上面對的客人95%以上係外國人，所以我終於明白他們只請外國畢業的學生的原因。大部份跟客人聯絡都用email，但都會需要用電話，所以英文能力好重要。 |
|
■ X 02 |
|
|
今日特登出中環找以前的中學同學J小姐，原來她在Recruitment Agency做。甘近城皇廟，當然要求返支好簽啦。今日特登出去她公司登記。其實早前我都聽過人講，好少少既工都係through agency。即日她已經有工介紹，仲要我聽日見工。
臨時臨急，之前我完全無準備過interview，覺得好大壓力。我連自己的長處短處都無想過，突然間就要見工，所以我都好緊張。不過我個朋友當然有教路。她說這公司一般都係全英文interview，而且指定請外國畢業的fresh grad。聽落我都好符合條件。我覺得我份resume最吸引呢間公司係因為話我住左加拿大十多年，哈哈:p。 希望聽日成功啦! |
| ■X 01 |
|
|
今日提早同媽咪慶祝生日。我們一家出了去TST食日本野。哇！埋單當然好貴啦(爸爸找數)。價錢雖然貴，但都幾好味。今年終於可以一家人同媽咪慶祝生日，媽咪當然好開心。我阿哥仲送左個最新款既LV袋給媽咪添(我就無咩表示！)。媽咪當然替我阿哥肉痛，但我媽咪的朋友就同媽咪講，仔女送野千萬不要說貴，浪費，下次不要買等說話，否則仔女真的會以為她不喜歡，以後都不送架。送是一番心意嘛。
呢個理論我都同過我媽咪講過。我從來都不會叫男朋友買東西，但他自願送給我，我就會要，不會下次不要買。一來不想讓他"數"興，二來我不想十年二十年後他習慣了不跟我慶祝，絕對不能寵壞男朋友/老公架。送粒糖都好，都要他記得重要日子，都要他花過心思同我慶祝。 當然，其他人可能有其他看法，有人未必喜歡慶祝，但在我而言，我就是這樣。 |