|
Mar 31, 2007 (Sat) |
最近都無咩心情和時間下廚。通常都是食粥或者雜菜湯。(配合瘦身嘛..哈)
今日就有返點心機，整了個生菜番茄雞蛋三文治，而且用了麥包就更加健康喇!簡單又好味!另外加多杯V8，便成為我今天營養豐富味道好的早餐喇!
最近心情不太好，不過我相信，問題已經進入倒數階段，忍埋就得。幸福距離我們不遠的。只要努力便能解決!
最近都無咩心情和時間下廚。通常都是食粥或者雜菜湯。(配合瘦身嘛..哈)
今日就有返點心機，整了個生菜番茄雞蛋三文治，而且用了麥包就更加健康喇!簡單又好味!另外加多杯V8，便成為我今天營養豐富味道好的早餐喇! 最近心情不太好，不過我相信，問題已經進入倒數階段，忍埋就得。幸福距離我們不遠的。只要努力便能解決! | |||
今日去聽了一個sample lecture，是由一個博士生講的。我並非好學，我只不過和其他同學一樣，是給prof收買回來的觀眾。我們為的只是多一個percent而已。sample lecture教的都是intro野(一年班的東西)，所以好耐以前都學過。見到那博士生的教法，真的令我明白到識唔代表有能力教別人。除了學生，觀眾還有其他的經濟系的professors。我真替那博士生擔心，他緊張的連opp cost都錯了少許(最後他自己發現)，未用完的table又抹掉了，graphs又畫得亂七八糟。嘿嘿...不過新一代果然係新一代，他用的example不再是Coca Cola vs. Pepsi那些行貨，而係一些名牌子。果然有趣! | |||
Happy仔相片分享。今日同媽咪MSN， 媽咪特登放Happy仔係窗台上。 Happy好驚阿，又想落地又唔敢自己跳!哈^^ 我同Happy講野既時候，他依舊頭則則，好可愛:P | |||
其實我一向都比較喜歡朱古力，不太喜歡食糖，但今日去了日式超級市場(其實係日式雜貨舖)，見到呢兩包糖果突然好想食，可能我實在太耐無食過糖喇!(依我記憶起碼一兩年@@)所以最後都買了。  綠色那包是蜜瓜味，我好耐以前都食過呢隻糖，不過今次食返呢隻糖既時候，我覺得粒糖既體績好大，如果一不小心，好容易"kang"親 ，所以食緊既時候我都唔敢講野。真的不敢想像小朋友食會點!另外個包就仲未開。其實我每次都只不過食一兩粒，但食左之後就成日cough，都唔知關唔關事呢!? 雖然我都有食少少糖果，但我減肥已經有進展喇。小背心，短裙仔，你要等我阿!其實我都唔覺得自己係太肥(亦都唔係瘦)，但summer打算返香港，因此都要隨波逐流減減肥。 | |||
今日返學好(支力)，上堂既時候不停想訓，對眼不受控制地合上。我幾經努力先可以頂住唔訓! 等我分享下今日我對抗睡魔的小辦法啦 ●想訓就立刻飲水 ●做運動(轉堂既時候急步係走廊來回行) ●去洗手間用冰凍既水洗手 ●大力深呼吸 ●食野 今日我就用以下辦法保持清醒。幾經辛苦都挨到落堂^^，不過集中力就真係嘛嘛!所以如果可以早d訓先係最好的辦法。 | |||
昨日講開那科可怕的科目，今日終於派了midterm 2的成績，總算渡過危險期!今次midterm果然有進步。希望考埋個final可以再推高成績啦，始終都不想太難看嘛。個prof話遲D會俾多一份功課我地，可以選擇做或者唔做，做左就可以加分。真係好，那我當然要做啦，多一個percent得一個percent嘛，每一分都可以makes a difference架!當係溫習 final都好阿:D 雖然現在分數渡過危險期，但我依然後悔讀左呢一科，因為實在乜都學唔到。代價係損失左我從另外一科學所以他們用習到的知識。 | |||
之前提過我讀的其中一科，midterm1班上的平均分只有50%，所以早在deadline前有很多人drop了，班上生的學生可謂少之有少。今日考了midterm2。我覺得呢個midterm比之前那個還要難，但我應該比上次做得好。希望可以平安挨過呢一科啦。這是我呢個學期最大的心願。嘿嘿! 未來一個月相信我會很忙，現在已開始點擔心考final。五科堆在幾日裡考實在很辛苦。想起都心驚驚，可能因為甘，最近有好多令心情緊張的夢發。 :(  今日放學後口痕痕，見到雪櫃還有半個木瓜， 於是煲了木瓜雪耳糖水!正! (不是減肥嗎!?今次減肥恆心極低~_~") | |||
最近數個月Hubby送了不少禮物給我，讓我體會到自己對禮物/物質的看法。其實我覺得自己份人好怪，對物質既追求可以話好細，購物欲好低。從來未試過非買不可的滋味，我有兩年無買過新衫，一來覺得無需要，二來就睇唔啱，亦無野想要。我漸漸發覺可能我根本唔知道自己喜歡乜。其實我算是一個挑剔的人嗎?或者某程度上算係? 有朋友說和我shopping，很少見我買東西，其實我行街都會見到覺得好靚的東西，但有買下的意欲就很少。對我而言，靚不等如想擁有。 至於收到Hubby的禮物，我會開心，原因係知道他很用心揀禮物給我，不過這種開心同禮物本身(物質)係無關係。物質對我來說可有可無，有會開心，無唔覺得可惜。如果要用物質讓我開心，相信很難做到。 但我不承認我難滿足，因為就算沒有物質，我都覺得無問題。我告訴Hubby我的想法，Hubby說買禮物給我很有挑戰窩~_~" (我都唔係要挑戰他) 如果真的買東西時，有兩樣貨品，分別是名牌子和無牌子，就算價錢一樣，我有可能會買無牌子的。絕對不會因為牌子而改變我的喜好。有時候覺得身邊的人會覺得有牌子=比較好的心理。(甚至名牌一定好的心理)呢點我就從來都無，而且有點抗拒。我唔係唔會買牌子野，只是係覺得一件物件的真實價值並非來自牌子。(當然表面的價值是啦) 牌子真的能為人帶來自信嗎?我倒認為自信是來自學識/見識。雖然我是一個自信心不大的人，但我就不覺得我可以從名牌身上得到自信喇。牌子產品對我來說有會開心，無都無所謂。是可有可無的，而且從不羨慕。 | |||
今日我過了一個平靜的生日，沒有特別的慶祝活動，一切如常的上學，而且還很忙碌呢!不過很多謝給我send sms，msn，e-card，電話和留言的朋友仔，收到你們的"生日快樂"讓我生日感到份外溫暖。 凌時零份，準時收到Hubby的來電，他唱起生日歌，真的讓我甜在心呢!不過他的一首生日歌也告訴了我，噢!我的生日到了，我又大一歲喇!  Hubby送我的禮物 Hubby送我的禮物早幾天已經收到，他寄過來的包裹裡面包括有太眼鏡陽，2GB SD card，2GB memory stick和神秘禮物一份(又是神秘禮物:O)。生日禮物是太陽眼鏡一副。至於SD card和 memory stick都不是生日禮物，只是Hubby覺得我需要這些。Hubby還說我送他的memory stick很有用，所以也送我一枝呢!我很喜歡這副太陽眼鏡呢，覺得幾襯我，而且頭型都很適合。以後駕車時候就唔需要成日眼矇矇怕太陽喇。其實我是一個保守的人，不喜歡突出，所以一直不敢買太陽眼鏡戴，覺得好誇張。現在有了Hubby送我禮物，我才有更多新嘗試咋!太陽眼鏡對我另外一個用處係不化妝的時候可以遮黑眼圈，哈哈...不過係室內地方我唔敢戴太陽眼鏡阿:P  今晚朋友突然上來送我蛋糕，圖案是八哥犬呢!真知我心意! 我戴上Hubby送的太陽眼鏡，好看嗎?:p 好開心Hubby送甘多禮物比我，我知道他很用心選購給我，所以很幸福很滿足呢^^ | |||
我最近喜歡煮和食的菜式: 洋蔥炆嚎 ， 木瓜抄雞胸 最近唔知道咩事，突然好喜歡食嚎!自知嚎膽固醇高，但亦然喜歡!不過放心，我好少食的。不健康的食物唔需要完全唔食，只要食少點就無問題啦!另外一味係木瓜抄雞胸，應該好健康啦!而且我特登買火雞的雞胸，火雞的脂肪比普通雞少架。 | |||
最近我好悶阿，飯又無煮，電視又無得看。日日留在家中，溫習和無事忙中度過。 原本烹飪係我假日既好娛樂，但最近又減肥，所以食得好簡單好清淡。減肥行動已經進行了一個星期，但效果不大，可能係我恆心不夠，依然都食唔少野掛。最近我的同學係學校讀緊一個營養學既course，所以和他行超級市場既時候他都有教我選擇比較好的食物。本來我下個學期都想讀呢個course，但因為呢個course係一年班的course，所以如果我讀了都不能計我的credit。為了如期畢業，都係唔可以讀，好可惜呢! 最近因不能下載的關係，所以無TVB看已經好一段日子，我唯有在youtube找尋一些節目來看，無意中看到鄭秀文復出的訪問，好開心，畢竟她的歌俾左我好多中學時代的回憶。中學時代的我喜歡郭富城，女的我喜歡鄭秀文。原本我擁有他們很多CD，但搬家的時候都送了給別人，好可惜呢!唔知道Sammi近年是成熟了還是唔開心，我總係覺得她的神態和說話和以前很不同，沒有以前般嬉嬉哈哈。知道她黎近的演唱會門票很賣得，都替她高興，證明她的歌迷沒有忘記她。無論如何都祝她演出成功，開心愉快~! >>903 一週紅人館 鄭秀文專訪<< | |||
 雪在太陽的照耀下閃閃發光!好靚阿! 最近天氣回暖，有春天氣色，但昨晚又飄了薄薄的雪(但氣溫完全唔凍)。今日早上樹枝上的雪還未溶化，我覺得好像樹上生長了白色的花一樣，好靚，所以經過學校後門時拍下了這幅相。我很喜歡這幅相架^^。下課出來後這個景色已經溶消失了 ，幸好現今科技發達，可以用相機留下珍貴的回憶，數十年看返呢張相，會令我記得今天的我。 | |||
快到我的生日，今日收到Hubby送我的禮物。今次沒有遲喇，很好!我依然未知道生日禮物係咩!Hubby說我不會估中，所以我都放棄估禮物究竟係咩!生日自然知道啦^^我只知道盒內有四樣東西，但只有一樣是生日禮物。  Hubby寄來的大箱!唔好以為個箱大， 禮物既size會大份，從過往經驗係唔一定架:P 呢個星期Hubby放study break，所以他比平常多時間陪我，可以等我放學，又可以做我的人肉鬧鐘。每日都打電話來叫我起身。放假的Hubby居然比返學的我訓得少，Hubby真的好利害，有時間睡的他，依然是訓唔多，而且他真的用study week來study。好乖阿!Hubby說要保持全科A，為了我而努力。嘿嘿。 | |||
 (From TVB.com) 昨晚在youtube看了"向世界出發"，米雪版本的"婚紗。背後"。一連看了四集感觸良多。在印度，男尊女卑的觀念很重，而且直到現在，他們的婚嫁依然係盲婚啞嫁。印度女仔的一生只能托付在丈夫身上。第一二集的女主角是法律系的畢業生，生在商人家族，但從片段中，看得出雖然她是知識份子，但她也習慣了任人擺佈，沒有怨言。她還揚言父母人生經驗比她豐富，父母選的丈夫一定比她自己選好。她最後嫁到門當戶對的新郎，得到幸福(暫時)。 而無甘幸運既村婦，命運便很不同。如果嫁妝不夠的新娘，會給男家白眼，丈夫甚至會把妻子殺死。如果不幸成為寡婦，便會被視為不祥人，更會被送去寡婦村，甚至仔女家人都會唔理她。她們的幸福會跟隨丈夫的離世而消失。看到這裡，我忍不住落淚了。唔知道有無乜志願團體幫她們呢:( 我們真的是幸福的一群，可以選擇自己喜歡的人，就算婚姻失敗，都是自己揀的，無怨無悔。我們還可以自力更新，得到朋友家人的支持和鼓勵。從呢緝"向世界出發"，我得到很多啟事。女人一生不是依賴在男人身上，女性的幸福要靠自己爭取。雖然我個人是家庭為重，但婚後我絕不放棄工作，沒有工作或者工作能力的女性很沒保障阿。 如想觀看可以到一下網址:http://youtube.com/results?search_query=p111357 | |||
較鐘______________________________ 星期六係夏令時間，要把鐘較快一小時。今日早上返到學校，學校的鐘依然係舊時間，但上堂途中，個鐘突然行快，最後趕上新時間。學校的鐘是有秒針，分針和時針的鐘，(不是電子鐘)樣子普通到不得了，但居然有中央調較時鍾的功能，好利害阿!我就一如以往，要到較 鐘當日先知道要較鍾。好彩有Hubby提我! 身體______________________________ 今日我其中一個knee的內則腫了，而且腳經常麻痺。真的不知道發生左乜事。有點擔心，因為我記得自己係無碰到個個位，究竟點解會腫?過兩日如果都唔退腫就要去看醫生喇。現在隻腳好似無乜力。:(我的皮膚敏感亦有返發跡象。好痕阿好痕阿!! 證人______________________________ 早前見證了一單輕微的交通意外，我自告奮勇地做了證人。保險公司亦已經打了電話給我了解我所見的事實。今日又要我用文筆寫下我的所見的交通意外，其實真的有點自找麻煩，不過我沒有後悔承認見到意外的發生，只要幫到人，我都覺得值得既。 | |||
今日我同Hubby去shopping。他黎左探我?唔係!我去左探他?都唔係!我地只不過係上網shopping而已:P Hubby想買對新puma鞋叫我幫下眼，話 聽我話買邊對就邊對窩!我份人唔係甘專制既。一來我知道hubby的口味，二來我揀了數對比Hubby自己揀。最後終於都揀到對大家都喜歡既。(對鞋係他著，關我咩事!?) Hubby:「你幫我揀鞋啦，你話買邊對就買邊對」 我:「點解阿?你自己鍾意咪得囉!」 Hubby:「你見到你鍾意既衫褲鞋襪，甘你咪都鍾意我囉!」 我:「哈哈...你著乜我都鍾意你啦!不過你都有道理，你著我鍾意既衫我會更加鍾意你:P」 (將來我一定會把Hubby變成我既Barbie公仔，幫他扮靚靚:D) 我自己都打算買對puma鞋，同hubby情侶裝，不過係不同色不款!(甘都算情侶裝!?哈哈)。我地係街見到其他情侶著情侶裝既時候都會有種「洗唔洗阿!」的感覺，所以我地只著同牌子的情侶裝。:P | |||
我家一向都有年頭作福，年尾還神的習慣。今年也一樣，媽咪代我去黃大仙求籤，求得中平籤。說我今年事事順利。我一句籤文都看不懂，不過知道"求得此簽者，亦平穩無礙也。"就放心啦！不過媽咪只幫我求了自身，沒有幫我求因緣添:P 天 晴 粉 蜨 翻 衣 曬 ， 又 看 庭 前 蟻 陣 掛 ； 隊 伍 整 齊 趨 或 退 ， 時 開 時 合 思 何 隹 。 ≡占驗古人≡ 越王復國，吳既滅越。越王勾踐。卑詞請成。臥薪嘗膽。果報會稽之仇。與大夫范蠡。文種謀。乃選民間絕色西施女。進之吳王。夫差甚嬖愛之。至於亡國。 剛巧看完爭霸，對呢些古人都有點概念。^^ P.S.其實今日返學都發生了數件有趣的事，不過今日太累了，所以都唔寫喇，反正都不是大事^^。(埃了數日夜，真洗幾日都補唔返!) | |||
呢幾日我都係溫習溫習和溫習，所以咩都無做過，唔知寫咩好，但又甘多日都無更新，所以都隨便寫下啦。 最近天氣回暖，已經有春天的感覺，陽光普照，早上太陽又早了出來。學校的鬼妹還已經換上春裝，好似好誇張添!今年的春天好似來的特別早，唔知道稍後會唔會凍返呢。早兩個星期還有薄薄的雪，真係天淵之別。我很喜歡現在的天氣，唔凍又唔熱。真係最舒服。我現在猶疑緊我應否換季呢?但五月粽有排都未食窩!  春天，一個屬於我的季節又來了! 講開粽，早前我去超級市場買粽，有一外國人問，粽裡面係乜。我就回答唔係好清楚，應該係肉，豆，和花生等等。返到屋企，我回想起我係咪應該講葉裡面有糯米包住d材料，而唔係只講有肉有豆呢。如果中國人問 我粽裡面係乜，我assume人地問我隻粽係咩口味，但外國人，我係咪應該解釋隻粽係咩呢。 今日我終於忙完，可以過返日常生活，忙過後的感覺好似週末的感覺:P懶洋洋~! | |||
呢幾日股市真係大上大落，而我呢我就十分忙碌，不過唔係為左股票，而係為溫習考試，真係訓都無得訓。 早幾日大跌777點，跟住之後一日勁升三百多點，現在Hubby的股票都要蝕10個percent啊，但他完全無咩感覺，面不改容。他說大跌唔會晤開心，賺錢又唔會好開心窩。甘又係既，Hubby買既係正股票，一日唔賣一日都唔叫蝕/賺。Hubby的投資資金係老婆本黎架，所以打算 將股票長期持有到結婚。唔知道到結婚既時候會變成點呢:P唔知結婚幾多錢先夠呢!? 本來我地想用餘下的錢玩短線，但我怕影響hubby讀書，所以都唔好喇。要讀書，無甘多時間看住股市，和買買賣賣嘛。今日我幫媽咪上網入股票(我香港屋企部電腦壞了)，幫媽咪追個價都幾緊張幾忙架。 我媽咪都有點心得，她決定分四次入股票，唔會一次入，減低風險。而且她係另買當頭起既，唔會跌緊既時候入。她還說投資組合要有不同類型既股，要有電信/果汁/其他，要有銀行，有d機建，又有d地產。唔好買晒一樣窩。而且她都幾留意身邊的事物。係內地東北三省旅行，發現交通銀行好大。係內地超級市場見到整個貨架都係蒙牛產品，就知道它的市場佔有率大，坐飛機去大陸，又留意左果汁牌子，唔好航空公司都唔用啦。她 又說要留意下現在大陸時興的貨品商業窩。原來她去旅行玩之餘還留意左甘多野，利害:P | |||
我已經連續病了好幾日，(頭痛+頭暈+發燒+想嘔)，所以呢幾日都無寫日記。其實我星期三早上已經覺得唔多舒服。初時我以為自己懶惰，所以眼訓無精神上堂，但到左晚上，我就開始覺得唔妥，個頭特然好痛，對眼又熱又燙，我估我係發燒，所以食左兩粒panadol就訓。 星期四的早上我依然覺得頭暈，但死頂返學，因為今日有四堂，由早返到下午四點幾，所以唔可以miss。由於我始終都係好唔舒服，個頭好痛，所以根本集中唔到精神。埃到最尾個堂，原來老師都病了，我終於都可以提早回家休息，真開心:)個天都幫我!! 星期五我非常非常唔舒服，但因為今日有quiz阿，所以我依然返左學。Quiz既時候我極度辛苦，根本就無心機做，只想快快手做完就可以走。終於考完可以走既時候，我去到停車場的時候嘔了出來，嘔完舒服晒!今日我轉食Coltalin(幸福傷風素)，跟住訓教。訓醒後就舒服好多，精神晒，總算好返好多。  今次病我就煮了火腿雜豆通心粉，和瑤柱瘦肉congee俾自己食。 我真係好耐無病得甘辛苦喇，近幾年我都無咩傷風感冒過(touchwood)，通常都係唔舒服一日，第二日就好返。今次病得甘嚴重真係好辛苦啊!呢幾日基本上除了返學我就一定要訓。病既時候最慘就係無野食，就算我病到五顏綠色，我都要自己爬起身煮野食。今次病我就煮了火腿雜豆通心粉，和瑤柱瘦肉congee俾自己食。通心粉就好快煮熟好快有得食，而congee我就用電飯煲煮的，所以不用看火，可以訓教。我亦有食cereal當一餐。病得最嚴重既時候，最好就係食cereal。(唔洗煮嘛)。病既時候雖然胃口唔好，但我唔敢空肚食藥嘛:) 點解唔去看醫生?我唔喜歡要預約先可以看醫生嘛，又或者要去等餐死，而且看外國人醫生，九成九係無藥開俾你，發燒最多叫你食Tylalon。(即係香港的panadol)。甘不如訓多d唔去看醫生喇。點解係香港看醫生可以有甘多藥既?@_@ | |||