May 2006

01 02 03 04 05 06 07 08 09 10 11 12 13 14 15 16 17 18 19 20 21 22 23 24 25 26 27 28 29 30 31

成熟穩重

May 31, 2006(Wed)

最近發現Hubby真的比較我成熟穩重，無論從他學業上，工作態度上，和興趣上都覺得他很穩重。

以前他對我說過，讀書很重要，因為別人可以拿走他所有東西，只有知識他才可以一生擁有。(好有道理啊!)對我來說，讀書只不過是為了credit，為了GPA，為了一張畢業證書。多現實!

工作上，他對我說工作除了帶來金錢外，亦為他帶來滿足感。(事前我對他說不用賺太多錢，小康之家已經很滿足)我都好認同!有事業心的男人，真係特別吸引。(不過當然都要陪我啦)我覺得一位好的女朋友，唔應該影響男友工作，應該鼓勵他。(但我未100%做到啊:P)我覺得我和他的工作是不能比較的。如果是dilemma的situation，他當然要選我，但如果只是因為陪我"擔"於日樂就不必喇!

興趣上Hubby真的很悶啊，正在放假的他，打算買數本書來閱讀打發時間。一些是參考書，一些是課餘興趣。哇。。。我最多都只可以看愛情小說:P

雖然我和Hubby有點不同，但他那種，正是我喜歡的那種。^^





終於到我了

May 29, 2006(Mon)

今日無意中去了香港政府既網頁，所以就順便幫我啊哥check下他幾時會過了換領身份證的時間。原來他還有六日就過期@_@，但他都可以唔理，真過份!之前仲叫我過幫他網上預約，但我都無他身份證號碼，所以最後都不了了之。今日我就send了個網址給他，等他可以快D預約換證。其實他早早就可以換，因為他有來往中港兩地的車牌。都唔明白他點解甘懶。

今日我更加發現，原來我今日(五月二十九日)可以開始我都可以換證了，不過我唔會甘刻意返香港為了換證。遲D換又唔會罰錢既。之前18歲換證既時候，我都遲左一年先換啦，結果換既時候只係簡單甘問左一句點解甘遲換。只要有理由，遲D換都無問題!^^

http://www.esd.gov.hk/ga/id/chi/default.asp




Frozen Pizza

May 28, 2006(Sun)


Frozen既deluxe pizza

明知到最近好忙，所以就從超級市場買了許多Frozen既食物，例如義大利粉啊，pizza啊，eggo啊等等。。。今晚就焗了個Frozen Pizza。價錢平Pizza Hut既pizza三陪半，味道又ok。低!

今晚食了兩件，呢個pizza又有排食喇。而且個pizza仲好肥，不能夠成日食!





成績

May 27, 2006(Sat)

今日雖然係星期六，但我都一早八點半起床繼續溫習今日下午的一個quiz。全個溫習過程都有Hubby陪著我。不過就給他發現我溫習時候唔多專心，溫一陣，又同他傾兩句，溫得個多小時，又要返訓。:D

因為去學校的computer lab做quiz，所以做完會後即時會有結果。返黎後我便急不及待告訴Hubby我的成績。

我:你估下我有幾多分!out of 22
他: 19?
我:唔係。(笑笑口)
他:21? :O (甘叻!?)
我:唔係，我12分
他:HARRRRRRRRRR? (他好大反應!!!)
我:哈哈。。我講笑詐，我18分啊。
他:我都估到你無理由甘低分:P

最近我同hubby身份對掉，他放假好得閑等我溫完習陪我，而我就好忙日日為功課，assignments和考試忙碌，要攪點學校既野先可以陪他。以前好得閑，要等他個個係我架麻:P 不過他遲D會去公司幫手，仲要去加洲出trip，都唔得閑得太耐:D





Hubby回來了

May 26, 2006(Fri)

今日Hubby從英國回來，第一個電話便是打給我。他說我和家人一樣重要，但知道我喜歡收到他的第一個電話，所以便先打給我。哈...係咪好乖呢?

他打電話給我的時候是早上六點半，雖然大家都很累，但也傾了個多小時。嘿嘿，我更做了投訴女友，投訴最近的不滿，最近我是麻煩女友，都唔知道點解，不過他喜歡我無辦法啊:P

唔知點解最近我心情麻麻，總係覺得唔開心，而且經常頭痛，可能我功課學業太忙碌?





年年驗身

May 25, 2006(Thu)

健康真係人生之中最寶貴，失去了健康就真係咩都做唔到。唔好以為後生，就唔會有病。原來要發生，就算你只是卄歲出頭，都一樣會有事。

雖然今日有事既唔係我，但都覺得又驚又心痛。我阿哥的前女友和我的表姐，都只不過大我數年，但就有呢些婦科病。香港政府某個呼籲女性作定期身體檢查既廣告真係唔係誇張。呢D病就算係後生女都會有(其實呢個病係咪越趨年輕化呢?)。我表姐發現得早，所以無事，真好彩。我阿哥個ex既情況我就不太清楚。:(

其實Hubby一向都喜歡逼我看醫生，仲話將來我地都係香港既時候會年年陪我驗身，就是怕我因為懶去看醫生而遲發現有病，耽誤了醫治既時間。(我唔怕看醫生，但就懶看醫生囉)以前我還怪他太過緊張，現在我終於從她們身上體會到及早發現的重要性。唉!希望我阿哥個ex無事啦!

大家都要記得要年年驗身喇!





又悶又忙

May 24, 2006(Wed)

今日又攪掂多一份功課，仲好快做完添，聽日交功課，然後又有新功課。之前個幾份都派返，成績非常滿意，都不枉我花甘多時間去做(Hubby都讚我叻:P問我呢排攪乜轉性:P)。^^今日上lab做份功課既時候，一有懷疑既問題就立刻問問問，個instructor笑我今次一定囉到200個percent。哈哈!(我發覺business容易過econ。係真架，之前有幾個 econ prof都係甘講)

今日比預期早攪掂份功課，所以都有時間煮晚飯。現在星期二和四放學放晚上九點，星期一三又留在學校做功課至七點多，(好忙好忙啊)所以好多時候都太累唔煮飯。今日放學後因為有時間，所以整左個炒飯，而且今日好有心情嘗試新口味，我居然落番茄炒飯，係咪好古怪呢?:P我喜歡食蔬菜麻。我媽咪聽到我話用番茄炒飯，立刻話會濕立立唔好食。我炒飯當然唔會甘啦，d飯一定粒粒架:D其實只要唔好把番茄炒甘熟咪得囉。我最愛半熟的番茄:P


用番茄炒飯，連飯都變了橙色:P
係咪好古怪?

最近日記都無咩好寫，每日都係返學放學和食野，悶得很(又悶又忙)，不過悶的生活正正係我追求既。如果一生人，可以悶悶地，無風無浪，安安定定甘過都幾好。(又一證明我無大志:P)





Jenny?

May 23, 2006(Tue)

現在Hubby身在英國，聽他所說他們的會議都很順利，如無意外都好快可以走。對我來說真的是好消息。^^

今日個instructor居然知道我叫咩名，雖然一班唔算多，但都有四五十人，我都好以外點解他會知道我個名，(證明小班教學，老師同學生既interaction真係好D)，但諷刺既係，我唔知個instructor叫咩名。嘿嘿:P

不過一如以往，他和一些老師都錯叫我的名字做Jenny。(我個名好多時候都給人叫成Jenny)，初時我無更正個instructor我個正確名字，因為我個名對他來說都唔重要，但他不停叫錯我個名幾次，所以最後都更正了他。他覺得好唔好意思啊，仲吩咐我如果他再叫錯，一定要更正他。

好多時候都係D人慣性見到類似Jenny既名就叫我Jenny，其實我個名既發音同Jenny一樣甘容易之麻，不過當然我個名好聽過Jenny好多，Jenny甘common。我個名unique好多:D

P.S.又交多一份assignment，還有7份。繼續努力>_<"





零食之選

May 22, 2006(Mon)


低卡路里零食

今日買薯片食，哈，咩我唔怕肥咩?其實我都無食零食一段日子(除了diet coke)，不過今日見到低卡路里既Pringles薯片，所以就買左。呢隻薯片每盒100個卡路里(有12片)，都係同一杯low fat yogurt差不多卡路里(當然yogurt才是健康之選，所以我都買了，但有時候都為食，想食薯片麻:P)。既然有得揀，當然要買low fat，低卡路里的食物啦，食左都無甘guilty，所以Pringles薯片是我零食之選。 :D

最近體重維持95磅以下(93-4磅)，唔錯唔錯:D





藍草莓鬆餅

May 21, 2006(Sun)


藍草莓鬆餅

呢D blue berries muffin係咪好可愛呢?不過唔係我自己整的，最近忙到日記都懶寫，邊有時間整蛋糕，曲奇和muffin，(我人生少了很多樂趣)。 呢D muffin係我買回來的，雖然唔係自己整的，但都好過無得食啦^^。今日因為實在太肚餓，所以我連續吃了兩個，之前我餓到手都震晒，真可憐!




擔心

May 20, 2006(Sat)

Hubby已經考完試，他說有信心全科A，甘呢一個多月他無咩時間陪我都算值得既。^^Hubby現在身在香港，每次心愛既人(家人和Hubby)坐飛機，我個心總會有D擔心。昨晚我凌晨五點半收到Hubby電話，個心總算安定D，而且他還向我一一會報行程。真乖!

嘿!言談間，我知道他仲苦惱緊買咩俾我，仲話我唔肯講想要咩!:P不過講真，我無咩特別野想要，我一向都無咩想要。只要是他用心買的，我都會喜歡啦^^。(其實我都苦惱緊我想要咩，我唔係有心唔講俾Hubby聽我喜歡咩，他甘想買野逗我開心,我唔想掃他的興)

不過我就唔多乖，向他投訴我們之間既問題。(唔係鬧交啊，我只是告訴他我的想法)。我一向都覺得有咩滿意不滿意都要講出黎，如果唔係另一半好難明白你既想法。Hubby都好乖，叫我原諒他。嘿，又唔洗甘誇張，希望以後會有改善啦。

今日香港下午，Hubby會飛去英國，他又要坐飛機喇。雖然明知飛機意外率比交通意外率低，但都會有D擔心架。





無力

May 19, 2006(Fri)

見到超級市場既水減價，所以就買了一pack返屋企，雪凍之後慢慢飲。買既時候都知道會搬得好辛苦，不過好在有車，但駕車都只可以停在大廈門口，搬上樓先係一個難題。

呢pack水總共35支，每支500ml。據我記得1000ml等於一磅(如果有錯就更正我啦)，即係話呢pack水重17.5磅。只有九十多磅既我，搬呢箱水真係好吃力 。回到家後我全身既力都好似用晒甘。其實入大廈既時候有個鬼仔自告奮勇主動話幫手，不過我覺得自己都可以挨多幾步路，所以自己搬。(怕唔好意思麻)


(35支x500ml)x(1lb/1000ml)=17.5lb

其實17.5磅都唔算重，我抱住二十多磅既Happy仔一樣可以四處行。我覺得個問題係個箱水既shape，令到我一定要有手逗住，所以特別重。如果係背囊 ，相信17.5磅會感覺上輕D。

我真係好討厭再搬重野，畢竟我真係細細粒無乜力，希望將來Hubby可以幫我搬啦^^。(有了他，我以後都唔肯搬喇~_~)





Dairy Queen

May 18, 2006(Thu)


今日因為忙，所以都係出外買快餐外賣做晚餐，不過Dairy Queen給我的purchase experience就不太好了。我覺得呢間快餐店好多問題。

1)一入到門口已經覺得道門既設計好有問題。一般既門打開既時候(雙門)，兩隻門分別會被推埋wall，但呢道門既設計就推向門與門既中間，當另一個人和我同一時間用道門既時候，攪到我有被困的感覺。

2)Order既時候個人又無反應，攪到我都唔知道他聽唔聽到我講野。

3)員工手腳非常慢，無他既，全部員工都好似得個14-5歲。Productivity當然低啦

4)攞食物既時候要等叫number，但公司既設備又唔配合，居然無咪(microphone)。等到個職員要不停大叫，叫到個職員都唔耐煩，好似好惡鬧人甘。

5)返到屋企，我更發現職員居然俾多過10包既茄汁和10包鹽我。哇!唔洗錢咩!用唔曬又浪費。

呢間舖甘多問題，如果唔係連鎖式，肯定已經死左。都唔知道呢間舖個經理去左邊。~_~雖然有好多不滿，不過都有一樣我幾喜歡，就係食物既packing喇，一盒盒，都幾靚架^^





熱

May 17, 2006(Wed)

今日既日記同昨日寫既一樣，都係返學放學做功課。今日又花了六個多小時在computer lab做起另外一份功課。現在只剩下八份assignments詐。一個星期有兩個assignments。好快就會攪掂剩低個幾份。^^

天氣開始熱，熱到我訓教終於都放棄繼續用毛氈，不過我喜歡蓋又重又厚的毛氈，一時之間要轉，真係攪到我訓唔著，但熱啊麻，無辦法:(如果有冷氣，我一定繼續蓋氈訓啊!

因為天氣熱，夏天衫都要拿返晒出黎，不過要燙完先可以著。我甘忙，點攪!?(唯有襯呢個long weekend，抽少少時間燙啦)。夏天我大多數著裙(連身裙和半身裙都有)，因為我怕熱麻。著褲(我多數著牛仔褲)我會覺得特別熱。但裙既唔好處係要燙，真麻煩。





Same Objective

May 16, 2006(Tue)

昨日很累，累到提不到精神去寫日記和處理網頁。從九點上學至十二點，回家吃過午餐，就又返去學校做功課。(在學校做可以專心點，又有冷氣)一直做到晚上七點半先趕起份assignment。(不過份assignment已經比預期快做完)。從好的方面去想，接下來還只有九份詐^^

原來有同一個objective，不論係咩人，都好自然就會form成一group。在學校碰見班內其他同學都係為呢份assignment忙碌，本來我們各有各做，但之後他們就主動問我做成點，他亦有點不明白的地方。攪到我都發現了自己小許的mistake。有相有量真好。因為呢班係講明唔會拉curve，所以大家同學都不是競爭對手，(拉curve=別人做得好過你，自己會worst off)所以都好互相幫助。

因為我攪掂份功課先，所以我比他們早走。借了給黑人同學的史力奇原心筆只好今天才叫他還給我。黑人同學還給我既時候同我講"Thank you baby"。嘿!雖然我知道他們叫baby好平常，不過我就唔係好習慣。怕醜地邊講you're welcome邊走人。哈

明天我又去學校做新的assignment。我要努力啊~!(Hubby都話我最近work hard左好多，我真乖..哈:P)





今天的紀錄

May 14, 2006(Sun)


今天上磅發現體重跌至93磅，很滿意的成績啊。相信今次減肥我成功減掉7-8磅。不過大家不要擔心，以我的身高，93磅絕對不會過瘦。(而且93磅才是我一向的體重)。我的BMI無低過正常標準啊。昨晚得到Hubby提醒，叫我不要太瘦。我知道喇^^(Hubby怕我瘦，多過怕我肥)

5月18日Hubby考完考試後，他將會飛返香港一天，(我沒有打錯，你們也沒有看錯，是一天啊)他在香港探望親人後，便會跟他爸爸去英國公桿。(長途飛機相信一定好辛苦~_~)

Hubby問我要不要幫我買些甚麼；例如衣服，首飾，和用品等等。哇!我便立刻問，在他眼中我是這麼materialistic嗎?好在他說認識我這麼多年，知道我不是。可能他只是想給我買一點手信?^^(我從來都不叫人買東西的，亦不會講我想要些甚麼，跟男友說自己喜歡xxx，是否暗示想要?)。我知道自己很幸福，所以我沒甚麼想要。需要的我自己已經買了，我自己不買的，就不需要了。而且最大問題是他時間緊逼，又要先去英國然後才回美國，然後再:P。不想他甘辛苦把東西帶來帶去喇。我要做一個considerate既女朋友麻^^。




又給人誤會了

May 13, 2006(Sat)

又再給人問我是不是馬來西亞人。不是給人誤會是菲律賓就是馬來西亞~_~。真係百思不得其解。(我皮膚白架!)。難怪之前Hubby說我只有80%似中國人，(20%去了那裡?，我家有500年都族譜歷史，我是百份百的中國人啊)。Hubby更說一些角度看我會更加不似中國人，所以又有時候叫我 「鬼妹欣欣」。問題又出現喇!其實加拿大咩人種都有架啦，點解要問我係咩人呢?真古怪!

話說今天去了computer lab做quiz，一位亞洲年輕男子監考(看他個樣係中國人，但口音是鬼佬口音，所以我不敢肯定)，我做完quiz後他問我是不是馬來西亞人。說我的名字「Yenny」都似馬來西亞拼音(可能他是馬來西亞華僑)。有眼看我個姓都知道我是中國人啦。我唯有禮貌地回答，你都看到我的姓架，我是中國人。他才說甘又係。(原來他看到的)

給菲傭湊大真係會似左個菲傭囉。 This is really the only conclusion I can come up with。 將來請菲傭照顧BB，記得請個靚架:D唔係BB似左她就唔好啦:P




回報

May 12, 2006(Fri)


減肥成功，食兩粒共73個卡路里既朱古力都唔過份啦^^
(一條六粒的朱古力=220卡路里，我食了兩粒)

最近分別同Hubby和我媽咪web cam，他們都不約而同地話我瘦了，嘿嘿，我已經停左我個減肥計畫一段時間，估唔到依然繼續瘦，之前的努力有持續的回報啊^^。(嘿嘿..可能因為我食無定時!?)其實我自己都覺得自己比去年瘦了一點點，但未減到數年前我最瘦時候的體重。穿起去年的夏天衣服就更加明顯。著短裙仔既時候都覺得對腳瘦左少少^^。Hubby說我瘦了，而且和之前一樣的漂亮(甘即係話瘦左但無靚到!?其實Hubby一向都不喜歡我太瘦)現在我的體重已經達到預期目標(甚至較預期理想)，所以都不會再減落去了。我自己都覺得有點肉的女仔較好看。太瘦連女性的特徵都無埋就唔好啦~!:P

最近和Hubby好開心，雖然他忙於溫習，但我們終於都見到短期的回報了。值到現在他一共考了四科，而四科都是A。好利害~!(我讀Art拿A都不容易啦，更何況他的科目)他考到好成績，比我自己考到好成績更加開心。^^現在他還有一科，是否可以全科A就要看這科了。努力啊~!我等著我們的長線回報架^^。

哈，當然有另一樣更開心的事啦~!嘿嘿^^




Eating The Elephant

May 11, 2006(Thu)

買了呢個學期要用的書，新書要$130，二手要$93。新書真係學費既四分之一。好貴，好彩買到二手書。呢本書下一個學期會轉新版，即係話呢本書既future value係零。慘~!貶值得甘快:(

上了兩堂operation management，已經教左三個chapters，聽日仲有第一個quiz。(雖然聽日無堂，但個quiz係自己去computer lab度用電腦考，好方便，幾點去都得^^)So far我對D materials都幾comfortable。今晚溫下應該無問題。

我覺得呢科個instructor好好人囉。今日一上堂就派note。哇!好厚(一頁其實是九頁，而且印低面)，六個星期要識晒呢D野。他講笑話教我地用六個星期去食一隻大象。(大象=course materials)。我覺得呢個instructor好既原因係因為人nice之外，仲派notes。好多instructor上堂齋講唔寫野，仲話take notes係學生既責任唔係instructor既責任。(聽聞香港讀大學，如果instructors無notes會俾學生投訴，唔知係咪呢) 我地真係好少有notes派囉，仲要甘厚，他都算捨得print野給學生。好多時候都係自己寫，或者自己去webCT度print。 

我以為自己怕醜，容易面紅，但上一堂我問instructor問題時，他居然面紅。(我都未面紅!紅得快過我..哈)。今日他又走過來同我傾閑計，他不停同我講香港既舊啟德機場，青馬大橋。(堂上講起Bechtel呢間公司起青馬大橋，他問邊個去過，好似得我一個)。原來他以前係飛機公司做management既工作，成日都飛香港。不過都係70-80年代既事，我都未出世。哈哈 。他說他去過香港好多次，甘又係既，香港真係一個幾exciting既地方，我都好掛住。




Happy仔最新短片

May 10, 2006(Wed)

收到哥哥email給我的Happy短片，雖然Happy依然非常活潑，但從他面上的毛顏色的轉變，就知道他年紀不少。以前Happy面上的毛都是黑色，而且很有光澤，現在他的面毛已經變的灰灰白白。真的同人一樣會生白頭髮。:P

從片中亦都看到Happy已剃去的毛已經生回，但一達達的皮膚病雖然有好轉(患處已開始長毛)，但皮膚顏色依然未退，心痛極了。媽媽說既然剃毛後的Happy甘可愛，所以就剃多一次，等他夏天過得舒服點，而皮膚病亦都可以容易D好返。


如想觀看片段，請按『這裡』
檔案size得到朋友Ross幫忙縮小，
一按就可以看到。

Happy最愛食水果。蘋果，橙，和西瓜都是他喜歡的食物。Happy食左水果成隻狗都精靈好多架。有次我們玩他，給蘋果皮Happy食，但他很聰明，唔食，但如果蘋果連皮給他食，他又會食窩。真係可愛極了:D

我差不多一年無見過Happy，看到呢個短片算是望梅止喝啦。見到Happy甘活潑和開心地走來走去，我都好開心。 哈^^




經濟學

May 09, 2006(Tue)

昨日dropped左一科，但又reg過另外兩科。黎緊呢六個星期相信我會非常忙。今日上第一堂，instructor例排地介紹下個course。呢個為期六星期既course有11個assignments，5個quizes，1個midterm和1個final。我感覺到呢科應該都幾難，不過都唔drop喇，我決定頂硬上。另外個科就聽日上，希望個科既work load無甘多啦。^^Summer II我都依然係讀兩科。嘿，甘我整個summer就攪掂4科喇。我要快快快啊^^

今日同媽咪係MSN voice chat 大談股票和經濟，(最近有買股票既人都好開心啦)。唔知道幾時開始，我已經識得apply經濟理論係現實生活中。我一向都以為自己對經濟咩都唔識。 雖然我唔識predict經濟走勢(但有學過點predict架)，但最少我就明白最近經濟氣候既成因。例如點解銀行加息，點解美金弱，整個process係點work。其實我一向都對Macroeconomic(宏觀)興趣多過Microeconomic(微觀)。 Micro多數都係計premium， risk和game theory，理論唔多但好多數計(令人討厭的Calculus)。 Macro就係講兌換價，trade，利息，fiscal policy 和monetary policy等等。我覺得都係大為經濟(Macro)有趣D。早前我一個大叔同學(起碼大我一陪)不停同我講econ點interesting，現在我可能人大了，都對econ越來越有興趣既。但將來係咪想做呢行，我就未知喇 。




開學日:幸運?/不幸?

May 08, 2006(Mon)

昨晚無法入睡，但不是因開學而興奮過度，而係身體不適。我躺在床上七個多小時，但就沒一刻訓得著。好辛苦~_~

今天起來後依然不太舒服，(開燈既時候連燈泡都燒埋~_~)但總不能第一天上學就走堂。(走一堂等於走三堂，我真係唔敢)。我預早了時間，先到學校bookstore買書。哇~!$130(現在1加元對7.1港元)好貴!但都無used book賣，逼住貴都要買啦。排隊比錢既時候，前面的男仔對我說他有呢本書，說可以平過Used book價錢賣給我。於是我們交換了學校email。而我當然就無買新書啦。

呢個男仔真係我既幸運星，當個prof解釋個course既時候，我發覺內容都是我學過的，而且她又說，讀呢科Econ要有良好的Intro Micro根低。呢一刻我已經覺得好唔對路。放break既時候我走去問個prof。我讀過Advance Micro窩(intro>Intermediate>Advance)，仲讀唔讀得呢科?結果原來我唔可以讀，因為Econ major既學生唔可以讀呢科Econ。 哇!有無攪錯!份registration guide都無講，網頁又無講!好在及早發現咋，所以我已經drop了這科，如果唔係就浪費金錢和時間，但就得不到credit。現在好慶幸俾個男在左一左，買唔到本書，如果唔係我買左又打開左書既封套，就無得退錢了。

返到屋企其實依然都唔舒服，但我都好乖地煲落湯先訓。(我用真空煲，所以唔需要睇火)，訓了個多小時候已經好返好多。唉~!呢D苦唔知道要挨到幾時:(


第二次整Honey Garlic雞脾仔.
今次已經成功喇^^
原來用焗的方法好味好多



假期完結

May 07, 2006(Sun)

明天summer semester I 開始了，即是我又再開學。心情沒有感到特別興奮，但亦都無低落。 畢竟我只讀一科，應該不會太忙。 雖然讀一科，但要一堂學平時三堂的東西，應該都會幾難。我要努力阿~! 其實我幾喜歡summer semester，只要花一個多月時間，便可以拿到credits。多好呢~! 七月開始的summer semester II， 我將會比較忙，因為我會讀兩科，但都係個句，辛苦一個多月就有credits，真好~!

雖然心情無特別興奮，但我總有點似小學生，喜歡早一晚準備好一切，不過我說的不是準備書本啊(這當然要準備)，而是要修甲，油手甲，修眉，和做facial(自己做)。哈...好無聊嗎?外表整齊會給人一個好印象麻:P (但切忌著得太靚，給人看得出小學生的心情就唔好啦，所以我都會著返一向的casual look^^)

今日我更新了links page。我花了兩天時間去大改革的，有興趣請去看看吧^^。




思想/價值觀

May 06, 2006(Sat)

父母對仔女影響好大，尤其是思想和價值觀。我覺得自己都係架，自小家教嚴謹，連收親如姑姐啊叔既禮物都唔準。媽咪成日都話，自己有咩需要和喜歡就自己(父母)買，點解要人送。亦都表示不要男友送東西，所以現在都唔太習慣收男友禮物。當然節日個d例外啦。呢些思想我都潛而默化地接受了。

不過有一樣野我就無比媽咪影響，呢樣就係"入廚"喇。今日同媽咪傾電話(其實每日都傾^^)，她話家裡無工人所以唔煮飯，煮飯前想到五件事，就令她無興趣窩。1)買送， 2)要洗要煮， 3)飯後要洗碗， 4)要洗廚房洗爐頭， 5)晒水又晒煤氣，出街食仲好甘話:P。真係笑死我。

她煮飯呢個觀念又無影響我窩，我反而幾享受煮飯的樂趣。(但將來結婚後，我係唔可以給人限制日日煮飯個種人，我好怕一些老公，老婆唔煮一晚飯好似有罪甘。人總有忙，唔舒服，和無心情既時候。煮飯係我興趣，唔係職業和責任)。我覺得媽咪有一句說話我覺得很有道理，就係一定要識煮飯，必要時可以煮麻。其實我覺得如果懶惰的話，簡簡單單煮少少都可以，都唔算好麻煩。


第一次自己煮honey garlic chicken wing。
以前出街食過好喜歡，不過今日我煮的雞翼，
味道就同想像中唔同(但都唔難食既)。
下次都要改變一下個煮法，繼續改良先得。




網頁/Hubby/興趣

May 05, 2006(Fri)

就快又開學，所以呢兩日我好好利用剩低既假期好忙地改革網頁，哈，現在的版面都幾滿意。個人認為最少好過之前個個啦。其實之前個網頁只用了三個月，不過我實在不太喜歡。現在還有好多野想改，我想改改個links page同埋guestbook。不過還沒有idea，慢慢來吧~!

最近Hubby因為忙著考試而瘦了，他告訴我，褲子都鬆了一個圈。好肉痛呢!本身hubby都唔算肥，真的怕他挨壞了身體~_~。

最近又再次"整朱古力曲奇"，今次把整個過程影低，而且放在share裡，有興趣可以去看看啊~!最近Hubby都話我多時間整野食，哈，係啊，我一有時間就整網頁或者整野食(整野食的興趣較整網頁大)。我份人都幾悶，真係無咩其他興趣。




獨立

May 03, 2006(Wed)


家中洗手間的花灑出現漏水情況，而且本身的花灑頭是酒店式照頭淋款式，十分不方便啊，(有時候只想洗澡但不洗頭)，所以今日就特別去了買過一個可以拿著的新花灑。我覺得自己都幾似男人，搬到重東西之餘，又識換花灑/水龍頭。好多野自己唔搬，唔做就無得用~_~雖然我有一位男性朋友很幫我，更說朋友應該互相幫助，但唔通次次都請朋友幫手咩，我怕唔好意思。自己做到的儘量都不麻煩朋友。其實我覺得自己都幾獨立(不過唔係經濟上:P)，獨立都係逼出來的。

過往我有更換花灑的經驗，所以換花灑難不到我。不過如果有男友或者老公在身邊，我一定唔肯自己換。因為對身型嬌小，手尖腳細既我，拿著大大的"事吧那"已經覺得好重，而且又要企高，用力地unscrew個花灑。十分辛苦和吃力。我要足足花上大半個鐘以上才換到(男人做10分鐘就攪掂啦)。中途其實很想放棄，因為實在"令"極都"令"唔郁。用盡氣力後終於成功換到花灑，但事後就見頭暈。呢D粗重功夫都係留返男仔做好D。(不得不承認，體力上，的確係男性比較好)


今日又再走火警，security唔需要一分鐘就趕到，隨後就是消防員。今次肯定唔係誤鳴，我見到個security炒低一個男仔的資料，可以入返去building既時候聞到好大陣的油煙味，肯定係有人煮飯煮到太大煙，所以影響到個detector。有detector真係安全好多，但太過sensitive就會為大家帶來不便。如果我係個個男仔，真係會覺得好唔好意思囉!我真係好擔心，消防鐘成日都響會減低人對火警既警覺性。




白汁雞粒焗螺絲粉

May 02, 2006(Tue)

早幾日去Pizza Hut食過一個pasta後就打算回家跟著做。今日我準備好晒一切既材料，決定今晚整呢個pasta做晚餐^^。


自己整的"白汁雞粒焗螺絲粉"
變左黃色因為我用既cheese係黃色


從頭到尾的過程

其實我都唔係跟足晒，我自己加多左紅色甜椒。甘顏色會豐富D麻，而且汁料和調味又唔同，但總括黎講，個味道都幾似架^^。我都幾滿意今次既制成品。如果要看整製作過程和做法，請按"這裡"。




木瓜番茄薯仔粟米湯

May 01, 2006(Mon)

早一兩個星期，在網友小ang的網頁見到她所教授的一款清湯 ，當時已經好有興趣想試下煲，今日終於有時間試煲。


木瓜番茄薯仔粟米湯
真係無介紹錯 ，個湯又清又甜^^

材料如湯名一樣，有木瓜(一個)，番茄(三大個)，薯仔(一個)，和粟米(兩條)。大火煲一小時，再細火煲個半小時就飲得。今日同阿爸傾電話既時候提到我正在煲呢個清湯 ，他係都話要落D瘦肉，會甜D。醒目既媽咪同他解釋話我減肥所以唔落肉。


煲湯過程:材料甘豐富，一看就知道甜啦^^

最近因為外出吃飯較多，所以體重升返小許，今日上磅96lbs。又再超標了。~_~